عند العشي ذبيتنا راس مرقب=ياليتني ماجيت راسه لحالي
قمت اتوجد فيه واجر ونه=ونين محالٍ اركابه اهزالي
اوجد شيخ قل حاله وماله=قدهو على المكاز ماله اعيالي
اوجد عودٍ ناحلاتٍ عضامه=صيبه بنات وانفلت من الحلالي
من عقب ذا ياملفي اختر فديتك=من خيرة الانضا زواها الحيالي
قطب عليها السير وامهل لحبلها=ولاتعرضها الحفا والجفالي
مراحها من الدحي قدام تسفر=واصلب مسيرك والمسا عند خالي
قلط لك الترحيب من ساع جته=والبن يحمس في نظيف الدلالي
سلم عليه ورد صوبه وصاتي=ولايحسبني عقب فرقاه سالي
خالي عريب الجد والربع ندر=يامية وافين في كل حالي
من لاد ابن فهاد يسهر حريبهم=هل الجرة يوم الجهل ثم تالي
انا اتمثل معجبتني فعولهم=لاجاهم الغالي عطوه المتالي
ومجربات يعجب العين وقعها=عوج االكرازي يشبهن العيالي
جدي عواضه جعل طوبى محله=كنه اليمين تمد قبل الشمالي
كم شيخ قوم بالصحيح استمابه=لاجا لزلبات السبايا اجتوالي
غيدانية يرون حد الرهايف=كم واح منهم صويب يصالي
ابليه زيزوم السرايا الى مشت=يثني جواده لاجدن الثقالي
جده وابوه متعبن مقامه=كنه الاسد حماي عرب مثالي
ان صاح صياح ورا طارق الدبش=ركب العنود اللي سوات الغزالي
ركب الزعيم ولابته في جنابه=بملبسات مرهفات السلالي
ياويل من بنحورهم دلبحوا به=شيخ على شيخ مورث رجالي
تلقى ادلاله في الشحاشح مريعه=وتلقا بيته للنشاما مضالي
قلته ونا ربعي هل العز والثنا=حريبنا كنه على صوخ صالي
خليفية يادون من الجدار جارهم=فعل قديم هارج به ارجالي
من لاد ابن ودعان ستر المعرى=حماية لاوطانهم باحتمالي
لامن وازهم مجرم عقب ضده=خلوه هيت بينهم مايسالي
واعيال سالم محزم العز والظفر=يامن بهم من جا من الذل جالي
يوم الاخذ والرد هاذي فعولنا=واليوم نمشي في الذرا والضلالي
في اسود دام ربي وجودها=خيالة العوجاحمى كل تالي
كم فارس من سابقه حولوبه= عادتهم لاجا نهار القتالي
زيزوم عبدالعزيز المجرب=وعضيده محمد زبون الهزالي
يالله طلبتك طلبة تستجب لها=ماحولي احد واطلب الله الحالي
انا جوريك ياولي من جهنم=وعبدك ضعيف في رجاك استسالي
خاتم جوابي بذكر الله ولينا=ولاغيرك احد يارفيع الجلالي
رحم الله الشاعر / حسن بن خلف بن مزيونة آل خليف
ونعم والله في بنا عمنا الوداعين السلاطين
ونعم في ارجال يام العزيزه
من لاد ابن ودعان ستر المعرى=حماية لاوطانهم باحتمالي
لامن وازهم مجرم عقب ضده=خلوه هيت بينهم مايسالي
واعيال سالم محزم العز والظفر=يامن بهم من جا من الذل جالي
يوم الاخذ والرد هاذي فعولنا=واليوم نمشي في الذرا والضلالي
في اسود دام ربي وجودها=خيالة العوجاحمى كل تالي
كم فارس من سابقه حولوبه= عادتهم لاجا نهار القتالي
ونعم يا الوداعين كفو
الاخ العزيز الغالي / ابن محمد الودعاني
سلمت يمناك ولا عدمناك
على النقل الطيب والجهد الواضح
والاختيار الرائع
ابيض وجه ولا هنت
اخوك
ابو عبد الله الشكري