[معلومات العضو ابو محمد الكميهاني]

هذي القصيدة موجهه للشيخ / مبارك بن فهاد بن مشعي ال حنيش الودعاني بعد ما اخذ ثار اخيه من دهم بعد 35 سنه مانسى ثاره ..
خذاه في نجران بشهر 1 / 1433


يالله ياللي قدرته تسبق سواه
الواحد اللي كل خلقه تناجيه
يالاطف بيونس من الحوت نجاه
يامنقذٍ عبده من النار محييه
تَفرج لمن قلبه سقاه العنا داه
وتغيث دارٍ حبها ما كنن فيه
يشّوش راسي للفعول المطراه
مفاخرٍ كسب الثنا من معانيه
يامن بنا الخايف وحنا له احماه
ناسم عصاه ويهتني في مفاليه
والجار حقه وافين مانقصناه
سقنا الديه من الجدر حتى نواسيه
وقوز الشريف بفعلنا طاب مسماه
من وقع ربع ضربهم من يقاويه
كله لعينً مٓن زبن خايف تاه
ابن ال مطرف عدها في مغانيه
وحنا هل الخوه وحنا هل الجاه
يشهد لنا فعل تسطر معانيه
الشمري لنا زهم قاطعٍ ماه
من موتره ما عاد يالربع يرجيه
قال الوعد وان وقف الحرب عدناه
وش رايكم يالربع انا محرقن فيه
قالوا جلا همٍ بصدرك تعلاه
امبدلين الهم فعلٍ يصافيه
فكوا القطع من مقدمه لين متلاه
ما همهم طاري العدوا زال طاريه
وعلى المواتر نقل يوم ن وملفاه
نجران وعقبه مشتغل ما فقد فيه
والثار ماننساه حق نتقاضاه
لودارت الايام لابد نقضيه
حتى الغريم الي ورا الحد جبناه
يامخبل االي وآمن ن في مخابيه
شمر له مبارك عسا تحج يمناه
سداد دين الي جهل يوم يوفيه
مبارك ولد فهاد والعز مجناه
من لاد مشعي الى غشا الجو غاشيه
يومٍ تحت نجران عٓدوّوه ارداه
خلي طريحٍ بالوعد يوم يافيه
ربعي وداعين الثمان المسماه
الاد زايد سعد من هم عزاويه
حنا فقار المجد دوم نتعلواه
مانرتضي غيره ولافي مساعييه
حنا الدواسر وأسّمنا صاد مرماه
فعل ن سبق قول ن تلاحت معانيه
حنا الدواسر شيبنا هادرٍ ماه
عيبن علينا بعيته يوم نسقيه
حنا الدواسر وسمنا مرهب اعداه
يخيب من هو طامع ن من هقاويه
في شفها لو هو على الحد طلناه
تنزل بقفرٍ خايعٍ مانِزل فيه
هاذي بعض ماطاب شرحه ذكرناه
اتنومس اللي طيبن في مباديه
وصلاة ربي عالذي طاب مسعاه
نبينا اللي منهجه خير توجيه

الشاعر/ محمد بن راشد بن زابن
آل زويمل الودعاني