هو الفارس / مقيت بن تميم بن جزاء الغييثات من ال نابت الغييثات
يلقب بــ(الاصقه) لثقل في السمع لديه بسبب اصابه في اذنه في احدى المعارك
وهو راعي (المنجور) المعروف شرق الافلاج
ولد في الخرفه احدى بلدان الغييثات في الافلاج وبها نشأ قاد الكثيرمن
المعارك مع قبيلته عرف بالشجاعه والفروسيه والاقدام وهو فارس لايشق له
غبار وهو احد اجداد (ال جزاء الغييثات) بالافلاج
دافع عن ديرته الخرفه من اطماع الاعداء.
وقال فيه الشاعر ابن جيعان:-
ديرتي بين القرايا كنها جاره=مالها كود رب (ن) مايخليها
ديرتي سكنها حنشان ونماره=والحنش صلته ماحد(ن)يدانيها
وقال الشيخ الشاعر سيف الغوينمي الوداعين في قصيدته المشهوره (مصلحه)
عن ال نابت الغييثات في عرض قصيدته:-
ثم نصها الافلاج فانها ديره=من منوة اهل الهجن عندانكالها
واختص من يدعى بعزوة نابت=مراجل الدنيا غدوا بانفالها
متحملين الحرب كل قبيله=بين الجنوب وشرقها وشمالها
لاجيت بمدح ذا الا ذا مطوف=مثل الدراهم يعجبك صلصالها
وقال الشاعر عبدالله بن هادي ال عمار مادحآ ال نابت الغييثات:-
وعيال نابت بالخرفه مايلحق جزاهم=اللي فرجوله من عناه بلواه
يوم جتهم الحرمه تصيح وتنتخي=ياعجل فزعتهم لها عجلاه
كرمان في دارهم لامن جيتهم=لادالغييثي سعد منهم فزعته سعداه
وصفه احد امراء قبيله معاديه في مواجهه لهم مع ال نابت الغييثات
مخبرآ ربعه.
ستواجهون ال نابت الغييثات وسيكون في مقدمتهم (مقيت الاصقه)
كأنه (البعير العفر) وعلي الطلاق ملازيم الطلاق انه مايثور بندقه
الا اني ذابحه واراد الله ان يقتل امير تلك القبيله واول ثورة بندق
الا هي بين كلاه وقتل على يد الفارس (مقيت الاصقه)وصوب احدهم
في تلك المعركه وطيرت منه الا انها في صانع معهم وكسرت رجله
وقال فيها الشاعر ابن جيعان الغييثات وواصفآ( مقيت الاصقه) :-
مع مغاره جا مع السوق وادغرهم نمر=نعم يانمـر عـدا وانحمـت دغايلـه
ماكواني كود ذا الصانع اللي منكسـر=طيرت من واحدآ ثـم جاتـه عايلـه
صانعـآ و لا هـوب يـدور للقشـر=خابره يحب روحـه ونفسـه غاليـه
ويروى من قصص الكرم عن الشيخ والفارس( مقيت الاصقه)
روايه منقوله عن الشيخ فهد بن سجوان ال حرمل الخضراني رحمه الله قوله:-
والله اني ملحاق عند(مقيت الاصقه) ووالله انني رأيت في يوم من الايام سبعين
بيت شعر مقيظين عنده في( الخرفه) وهو معطيهم النخل الشمالي سبعين مقياظه
ولا بغو يرحلون عطاهم سبعين صريمه و(مقيت الاصقه) يسوق له على غاربين
معيدين ويعطي من شي قليل وساتر نفسه وكل يثني عليه.
قال عنه الشاعر ابوسويحه الدوسري:-
عد حمل(ن) وقيل وين شداه=وقسمه وقال النخل حايل
زوجته هي (مغيضه) من ال حثلين من شيوخ العجمان
وهي ام اولاده الخمسه وتزوج من نساء عديدات ولم ينجب منهن
واولاده هم:-
1- جزاء بن مقيت رحمه الله وذريته موجودين الان
2-محمد بن مقيت مات في شبابه
3-عبدالله بن مقيت مات في شبابه
4-مسفر بن مقيت مات متقدم في السن ولم ينجب
5-سلطان بن مقيت مات بسبب المرض الذي اصاب اهل نجد
وتوفي الفارس (مقيت الاصقه) في الخرفه بعد ان تقدمت به السن
ولا يعلم سنة وفاته رحمه الله وبارك في ذريته