[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة أبوفهيد

نزل الشاعر جريس بن جلبان من الجبيش من قبيلة العجمان في وادي الدواسر جاراً عند

(الرجبان) من الدواسر.. فقاموا بإكرامه وجمعوا له ما يلزمه وعندما حل صرام النخل

أعطوه من كل مجموعة نخلة واحدة وذلك تقديراً له لأنه كبير قومه ومستحق وعندما

أعطوه تمر هذه النخلات أخذ حاجته والباقي باعه واشترى به مجموعة من النياق

واستأذن منهم ورحل إلى جماعته.. وفي أثناء طريقه ورد مورد ماء لكي يشرب ويسقي

نياقه وكان على الماء قوم فطلبوا منه طعاماً شيئاً معلوماً منه مقابل الماء فأعطاهم ذلك

وشرب وسقى نياقه.

وبهذه المناسبة قال قصيدة يذكر فيها ما شاهده من كرم من جيرانه الدواسر أذكر من

القصيدة ما يلي:

اوي ديره بيـن حمـر النفايـد=قبليها الجـزلا وخـربٍ وراهـا
ديرة مصانيم الـدروع آل زايـد=هل كرمةٍ من قل ماله نصاهـا
اهـل بيـوتٍ كنهـن الفـرايـد=يا من بها المجرم ليا من وزاها
اعتضت انا فيها الوجيه الزهايـد=ضعاف النفوس اللي يبيعون ماها
خلـه تعـود دام اثرهـا جدايـد=تنصى آل زايد مكرمة من نصاها
اللي مهيضنـي لبـدع القصايـد=عيد الركاب اللي يثمن اخطاهـا
عند الصعوب مهونة كـل كايـد=لا مـن ورده حجـةٍ نجحـاهـا
نصيتهم وانا مـن المـال بايـد=جلوا لهمـوم وطلبتـي كملاهـا
تكملت من تمر هـدب الجرايـد=وشريت منها البل بمـا ثمناهـا
ابا ارفع البيضا معا كـل رايـد=لاهل الحميـه ممنيـنٍ احماهـا

مراقبنا الغالي : أبو فهيد

جعل يمناك مايجيها العطب

كل علمٍ طيبٍ تحريبه

وبيض الله وجيه الرجبان على كرمهم وفعلهم الطيب مع العجمي

وهذي من سلوم الدواسر ولاهيب غريبه عليهم

وبيض الله وجهك يابوفهيد على هذه السالفة اللي ترفع الراس

عاطر الود والتقدير

من محب الجميع