اقتباس:
المشاركة الأصلية كتبت بواسطة دغش البطي
هذه القصيدة كتبتها في الأخ العزيز الغالي الملازم أول : سحمي بن سهيلي آل نصار الغياثات وذلك عندما فعل معي علمٍ طيب ووقف معي في لزومٍ لي ولاقصَر خدمني خدمةٍ جليلة والطيب ليس بغريبٍ عليه ولاعلى أهله فهم أهلاً للطيب والطيب لهم من غير قصور في المطاليق والقصيدة أعتبرها ردٍ للجميل والعرفان وأتمنى من الله أن تحوز على رضائكم ورضائه .
الـطـيب فـعـلٍ جـمـيـلٍ للـمـخـالـيـق=يسـتاهـلـه كـلِ رجـالٍ يـصـونــه
والمرجله تبغـي عـيالٍ عـشـاشـيـق=وأفـعـالـهـم تقصر الأنذال دونــه
والمـدح مايزهـاه كـون المطـالـيـق=اللـي لاقـيـل الـنـعـم يـستاهلونــه
شروى شجاعٍ فـعـولـه بالـتـواثـيـق=أبي أمدحه والنشامى يمدحـونـه
أبــو سهيلي لــه الأمـــداح وتـلـيـق=لامر ذكـر الـوفـاء سحمي زبـونـه
قرمٍ رقى بالوفاء روس الشـواهيـق=والطيب لو هو صعيبٍ ياصلونـه
له كـلـمـةٍ تـجـري بـدم الـمـعـالـيــق=أبـشـر بعـزك يهـون اللي تبونـه
أبوه رجلٍ ينومس سـاعـة الـضـيـق=قـرمٍ وكـل الـنـشـامـى يدهلونــه
وخواله اللي تضـد الـجـمـع لاسـيـق=مـيـقـافـهم بالشجاعه يذكرونــه
وجدَانه اللـي يلامـن نـشـَف الـريــق=الـجـو لـو شـب نـاره يـاردونــه
ومــادام سحمي حـفـيـدٍ للـمـطـالـيــق=الطيب مآأستـغـربه لو يفعلونــه
وياجعل حظَـه مـع زيـن التـوافـيــق=ويكفيه شر الـبلاوي والمهونــه
|
صح لسانك واعتلى شانك على هذه الرائعه واللتي قيلت في من
يستحقها بيض الله وجهك ووجه على العلوم الطيبه
(أفعل ويكفونك الرجال) صدق المثل
عسى الله أن لايفرق بينكما وعساكم على القوه
خلف بن غصاب