هو الشيخ دخيل بن قويد الدوسري....من شيوخ(الدواسر)وقد اشتهر شاعرنا بكرمه وجوده وشجاعته...أما عن شاعريته فهو شاعر مجيد مقل يتعامل مع الكلمة بذكاء وحرص شديد...وقد أغفل الرواة جوانب كثيرة من حياته إلا أنه خلد بعض ملامح شخصيته بقصيدة له مشهورة منها هذه الأبيات يقول ابن قويد:_
يازين بني البيت من عقب مـرواح=فـى خايـع ماأحسـن تمـايـل فـنـوده
بيـن القويـد وبيـن برقـا وصـحـاح=يازيـن نبـتـه فــى عـوالـي نـفـوده
وأنا على اللـي يلحـق الخيـل نفـاح=طــرد السـبـايـا دايـــم مـــا يـكــود
ناخذ علـى خيـل المعاديـن مشـواح=لعيون من تزهى العشـارق خـدوده
كم واحـد منهـم علـى صابـره طـاح=من ضربنا سحم الضـواري تـروده
مع لابـةٍ نكسـب بهـم عـز وافـراح=أولاد زايـد سـعـد منـهـم عـضـوده
عثـمـان ودك بالمنـاهـيـج فـالــراح=أقصى مناهيـك الحسـا هـو وجـوده
أمـا كـلاك الطـيـر خـفـاق الاجـنـاح=والا رزقــك الـلـي عليـنـا مـــدوده
عادات ربعي باللقاء كسب الامـداح=ويا سعـد منهـم بالحرايـب اجنـوده
ربعي نهار الهوش يهدون الارواح=وقــول بــلا فـعــل يـفـشـل اردوده
محشمـيـن الـجـار يـدلـه ويـنـسـاح=مـع نزلهـا ينسـى خلايـف جــدوده
حتى الجدار اللي على جارهم طـاح=قـامـوا بسـوقـه والقبـائـل شـهـوده
وحريبهم يجزي مـن الفعـل ينـزاح=من ذاق ضـرب أيمانهـم مـا يعـوده
منقول
أخوكم محمد المسعري