شكراً لك اخي ابو السلاطين على ايراد هذه القصص والقصايد
والامثال اللي تخص الجن الله يكفينا شرهم
جهد واضح وماقصرت وبيض اللة وجهك
اشارك معك اخي بهذه القصيده التي اسمعها من كبار السن
يقو لون كان هناك رجل وصديق له ممسين عند ابلهم
في البراعيم(البراعيم تقع جنوب الوادي بحوالي40كم)
وعند ما اتا آخر الليل سمعوا هذه القصيده من جني يقول فيها
يارجلي اللي غدت دمره= من البراعيم واحذاها
واللة لولاك ياسمره=للخور ماعاد نرعاها
ون سرت انا برفع الشمره=واعس واطوف مفلاها
والسالفه الثانيه كان فيه رجال عند ابله
في ضداء(ضداء يقع جنوب الوادي بحوالي 100كم
وهو حدود الدواسر مع قبيلة يام) وكانت الارض مدهره
فمر عليه رجل على ناقته فناداه ليسئله عن الاخبار
فلما اتاه صاحب النا قه راءاه رجل غريب فقال له من اين جاي
قال
امس فكوك الريق من تمر يبرين=واليوم شفني بالعيون الحبايب
علمي بربعي عند هضبه الطين= قعودهم جاله من اللة سبايب
ويلاحض هنا انه قطع المسافه من يبرين الى ضداء في يوم واحد
فقال ايش تبحث عنه
فقال
ادور اللي كن عرفه رياحين=اللي سبا قلبي غرير وشايب
فقال عينت اعلوم الحيا
قال
اقول حولوا للحيا يامساكين =قبل تاكلكم وقوت الهايب
عينت انا الاجواد في نجد مطخين=واد الرشاء جايٍ لعشبه عجايب
وهذه تعتبر مشاركه بسيطه معك اخوي ابو السلاطين
وتقبلوا تحيات اخوكم
ابوزابن