يالله يالمعبود يالنافع الضار
ياربنا اللي عالم كل حالي
تحفظ لنا سلمان من شر الاشرار
وولي عهده والولي الموالي
بني محمد عضد سلمان الابرار
الله يقديهم لدرب المعالي
ويحفظ لنا امن المملكة وين ماصار
ديرة هل العوجا كرام السبالي
تكفون يالظفران حذرا من النار
نارٍ فتيلتها من اهل الملالي
الفكر من ايران والدعم بشار
واللي يبرجمهم يهود الضلالي
لين انتجوا داعش بترتيب فجار
وقاموا علينا يفتقون السلالي
الله يامرهم وقودٍ الى النار
ويعجل بعذابهم ذا الليالي
والثانية توحدوا سر وجهار
باسم الوطن والدين والراس عالي
وانتبهوا من التفرقه ياهل الكار
قامت علينا اهل الظلاله تلالي
الروح علمه عند علاّم الاسرار
وغذاه ذكر الله عزيز الجلالي
يالله بعفوك يوم زوغات الأبصار
وثبت اجابتنا الى جا السؤالي
#مبارك_شافي_النتيفات