[معلومات العضو راشد المسعري]

السلام عليكم ورحمة الله وبركاته:

دقـيـت سـلـف الـجيب مـن شـارع إنـكاس
ولا انــتــبــهــت إلّا بــــوســــط الــبــديــعـه

من هاجس يضرب بي أخمــاس وأسداس
مــــــــرٍ يــطــاوعــنــي ومـــــــرٍ أطـــيــعــه

مرّن يـقول إفـهــم: تـــرى الـنـاس لــلـنـاس
ومرّن يـقـول: إضــرب فـجـــوج الـوسـيعــه

واقــــــول: دام مـــنــزلٍ ســـــورة الـــنــاس
ربــــي وانــــا مــؤمــن بــحـكـم الـشـريـعة

ربّي يــــزيل الــبـاس وإن طـــوّل الــبـاس
بكـــره .. بعـد بكـــره .. قــفيّــه.. تــبــيـعـه

حـتـيّـش لـــو الــوضـع بـالـحـيـل حـسّـاس
دربـــــي ومــشــرافـي بـــــراس الـطـلـيـعة

إمــجــنــبٍ خــــــوة مـــنــافــق وهــــــلاّس
وراســــــي رفــعتـه لـلــطــــوال الــرفـيـعـه

أتــعـب عــلـى خـــوة رجــالاً عـلـى ســاس
أهــــل الــوفــا والــجــود طــبــع وطـبـيـعـه

الـــكــل مــنــهـم خـــوتــه تــرفــع الــــراس
وصـــدورهــم دايـــــم نـــظــافْ ووســيـعـه

اخــتــرت أقــدمّـهـم عــلـى كـــل مــجـلاس
مــجــلاس عـــــز ولا مجــالِس وضــيــعـــه