الطيب فرصه والجمايـل توافيـق,,,ومن لاتوفق ماكتـب لـه جمالـه
ومن لارقى للطيب روس الشواهيق,,,مازان لـه وقتـه علـى مابدالـه
وما دام لفعول الجمايل عشاشيـق,,,كسب الجمايل مايجـي بالسهالـه
ولو انها تشرب مع فكّـة الريـق,,,كل خذاله كل ما أصبـح بيالـه
والطيب منوه للقلوب المشافيـق,,,كل يتـوق ومنوتـه راس مالـه
والمدح مايزهى على الرجل ويليق,,,الا لاصـارت وافيـات خصالـه
يستاهله رجـل يفـك المزانيـق,,,اللي يقـال ونعـم لاجـا مجالـه
ومن ساقته نفسه وهو مابعد سيـق,,,لأجل الجميـل يزيّـن الله فالـه
والمرجله ماهي بتحتـاج تنسيـق,,,من بين قلب اللي عشقهـا وبالـه
ومن عادة الدنيا تخـون المواثيـق,,,تفتـرّ مكرتهـا سـواة المحـالـه
ولولا اللوازم ماعرفنـا المخاليـق,,,مانعرف الرجّـال ليـن انعنالـه
والكفؤ تظهر فزعته حزة الضيـق,,,وينشاف في الشده بعين العدالـه
نسل الرجـال متّعبيـن الملاحيـق,,,متوسط من بيـن عمـه وخالـه
واللي يطيق ولا بغى قال ما أطيـق,,,تحرم عليـه المرجلـه والشكالـه
السلام عليكم ورحمة الله وبركاته
الله لا يهينك يا ابو مبارك.وبيض الله وجهك.
اخوى\ هايف بن مبارك العماني
اعلومك وكتاباتك وختيارك لهاء موفق بذن الله دائيم ...
كفو ال درعان اوعلم الحياء يذكر اوعلم الطيبين ايبان
اخوي هايف\وقع خطاء غير مقصود في اسم الامير عبدالله بن صقر....
شقيقة صقر بن محمد وقتل ابنه البطل عبدالله بن محمد بن درعان في معركة ((الحفائر) سنة 1351هـ
وصحيح \عبدالله بن صقربن درعان وليس \عبدالله بن محمد بن درعان
تقبل مني خالص التحيه وتقدير,,,,,,,,,معدى المرقاب