ياهل الهوى ياللي لكم فالهوى كد
يابـاخصيـنـن فــيــه لا رحــم جـده
يـامـن يسلملي على ناعم الـخد
ويقول له محسن ترى باح سـده
ويقول له شوقه تـعـدا مـدا الحـد
ويعـلمـه عـن حالتي عقب صده
الـتـرفـه اللي مـالهـا فـالحشا ند
اللي لها كـل الـمـشاعـر امـوده
لها الــغـلا والحب والشوق والود
ولها الـقـريـحـه دايمن مستعده
لعيونها اكتب واصخر القاف واعد
شيً يذاع وشي اخشه م اعده
ام الـدلــع والــزين مـياسة القد
غروً يحق اله الغـنـج مـن يـنـده
لا عرضت يلفت لها الشوف ويلد
وتنعاج روس العالم الـمــستـبده
لها فقلبي قصر مايـقـبـل الــهــد
قصر المحبه والــغلا مـن يــهــده
رائعه جدا جدا ماعرفت وش اقتبس ماشاء الله لافض فوك
شكرا جزيلا على هذا النبض