حنا الدواسـر ممنـة كـل خايـف=دايم على العليـا تواثـب جهودهـا
الطيب ما يخفي علـى كـل طيـب=الاجواد كسب الطايله مـا يكودهـا
الزايـدي والتغلبـي مـن دوســر=افعالهـم عـود بعيـن حسـودهـا
بالسيف نملك كـل خضـرا مدينـه=لين اصبحت جنـه نهـزع فنودهـا
حنا هل الـوادي عمـا كـل عـادي=لاجت شيوخ القوم تسحب جرودهـا
نحدهـم ونردهـم عــن هـواهـم=والموت للـي جـا بقومـه يذودهـا
هـذي ديرتنـا والاذانـي تسـمـع=واللـي يسـنـد اذنـيـه يـذودهـا
حنـا بنـي زايـد بـزود فعولـنـا=والزايديـه كـل يــوم بـزودهـا
نفعـل بفعـل جدودنـا ونزيـدهـا=حيـث الضرايـب تتبـع مهودهـا
حنا هل البل مـن قديـم وحاضـر=فنس الخشوم اللي زيـان خدودهـا
تفرح بنـا لا صـاح صيـاح ريبـه=لاحنـت الفاطـر تبـي مفـردوهـا
نلحق علـى قـب سكنـا ظهورهـا=كن السهـوم المطلقـات جسودهـا
ولا مـن رمـت بقناعهـا الزايديـه=وعلى جثيل المال ساقـت قعودهـا
نـورد الاسيـاف بيـض لـوامـع=ونصدر الاسيـاف حمـر حدودهـا
السلام عليكم ورحمة الله وبركاته
المراقب المبدع : الشكري
أرررررررررررحب ياابو عبدالله
جعل يمناك مايجيها العطب ياسنايدي
نقل متميز كالعادة لاعدمناك
رحم الله الشاعر الكبير شلعان بن ظافر الودعاني برحمته الواسعه
وسلمت يالذيب
عاطر الود والتقدير
من محبك ومحب الجميع : أبو محمد