[معلومات العضو جليل المحزم]

بسم الله الرحمن الرحيم

السلام عليكم ورحمة الله وبركاته

اشكركم اخواني اعضاء المنتدى على طرح الموضوع والمشاركه فيه انتم اساتذتنا في التاريخ وفي كل مايهم القبيله
حبيت اشاركم

1/الشاعر هو محمد بن منصور ال ناشي ال حسين العمور
شاعر العمور في وقته وعقيد من عقداهم

2/ لقب بالبقار للقصته المشهوره في اكارام ضيفانه وهي قلط عليه ركب وضيفان وفي هذاك الوقت شح وقل في جميع الامور ولا عنده الا معاويده اللي يسوق بها نخله وذبحها للضيفانه وعشاهم وبعد ما اكرمهم واستاذنو ضيفانه وذبح معاويده صار يسوق السانيه بنفسه ايام اللين مر عليه احد من جيرانه اللي خوته عنده اؤ في عرف الدواسر ( حضري من حضرهم ) وحلف عليه ان يجيب بقره ويسوق بها نخله ويسقيه للين يشتري له معاويد وقامو الجماعه كل ما مرو عليه وشافو نخله والبقر اللي تجر السواني يمزحون عليه ويضحكون معه ي البقار و كان يزعل منها ولا يبين لهم وذكرها في قصيدته يوم قام يمزح معه ويعيره اللي مايسوى ولا هوب في مقامه شاعر وفارس وعقيد من عقدا العمور المشهورين ويبين انه راس فالحسين العمور

3/ فيه اخوي ابو محمد اخطاء فالقصيده وانا بالصراحه ما اعرفها كامله بس معي ابيات منها والعذر منكم كان فيها كسر ممكن بسسب اللهجه او الاملاء

سموني البقار وانا ابن منصور
واسم البقر مايدني العيب مني

انا من الحسين تسعين منعور
مانيب من جدانهم لفقني

لي بندقن شبرتها سبعة اشبور (( والعلم عند الله ممكن يقصد بها البندق الصمعاء ))
واللي سواها مالك الله شحني

ارجيبها الناموس لا هج مظهور
لا جات من صوب العدا يطردني

4/ مسفر هو فارس وشجاع من الحنابجه كان اول من يقدم فالحرب لا تقابلت الوجيه واصيب في هيه من الهيات وكان الشجاع يحب الشجيع مثل ما الطيب يحب الطيب وذكره فالقصيده

5/ محمد بن منصور ال ناشي العمور كان من اهل الشعب وكان فازع مع اهل الرويساء يوم جات الحرب

ان اصبت فمن الله وان اخطيت فمن نفسي والشيطان

ودمتم بصحه وعافيه تقبلو مروري مع فائق الاحترا والتقدير