::: مـنتدى قبيلـة الـدواسـر الـرسمي ::: - عرض مشاركة واحدة - مساجله شعريه/بين الشاعر ناجي بن مدعث آل عمار والشاعر عجب بن لقطان آل عمار
عرض مشاركة واحدة
قديم 15-09-2013, 08:28 PM   #1
 
إحصائية العضو







ابن مدعث متصل الآن

ابن مدعث is on a distinguished road


:r-r-5: مساجله شعريه/بين الشاعر ناجي بن مدعث آل عمار والشاعر عجب بن لقطان آل عمار

الشاعر/عجب بن لقطان

بادي(ن)في مرقب(ن)لاسقي ليه..عقب مشرافه وانا قلبي حزيني..

فان مشينا فالوطا ماجاز ليه..سهنتي ركب النضا هي والونيني.

طول ذا صابر وانا كبدي لضيه..ويش طب اهل اللضا يالعارفيني..

فان شربت الماء فلا بيسر فيه..وخابر(ن)الماء دوا للعاطشيني..

خايف(ن)من صاحب(ن) اهوى عليه.. بم خمس(ن) في يد اللي ملحميني..

جيتناهم بنتصف زادوا عليه..ضربه الوازع بمفتوق السنيني..

حال من دونه بني عم(ن) دنيه..جدهم الادنى وانا من النازحيني..

فان طلبت الحق حجتهم قويه..ومن نوى حرب الخطا ماله عويني..

بنتخي ناجي عشير العسوجيه..يومه(و)للحب مذكور(ن)فطيني..

وبزهم اللي ينثني عند الرديه..ناهض ومدعث زبون المجرميني..

لاذكرت انهم ربوعي ما عليه..ماغدا دين(ن) وحن له مطلبيني..

ورد الشاعر/ناجي بن مدعث آل عمار

ساهر(ن)البارحه عيني شقيه..حاربت حلو المنام الزين عيني..

من هواجيس الحشا لجت عليه..سبت المنعور يومه ينتخيني..

مايجيه الضد وانا له حميه..من الاوايل للمراجل محتزيني..

راكب(ن)في شف حماي الونيه..وارد التسعه عليه مكمليني..

فوقه اربوع(ن) بني عم(ن) دنيه.. بم خمس(ن) كلهم متحزميني..

والخناجر والسيوف اللي قويه..ناطحين(ن)كلهم ومثلثيني..

ياعجب قد السنع تبرى الشكيه..لابرت منك رقدنا سامحيني.

نحره من حال دون العسوجيه..عقب ماهو قاسي(ن)حتى يليني..

ان بغى سوق(ن) فلكين(ن)عطيه..وان عصانا للنشامى بارزيني..

با الولي قدمتنا قبل النشيه..ان يجي بالسوق والا بالسنيني..

لازم(ن)يجيك مجلي الثنيه..لين ترقد في حشا صافي الجبيني..

لين ترقد سامح(ن) بالك هنيه..سامح(ن)بالك على جمعا الخديني........

 

 

 

 

    

رد مع اقتباس