يقول الشاعر المعروف // مشنان بن فهيد المصارير :
يانديبي وارتحل الفقارا=سامك نيه ونفاج زغونه
راكبه قرم(ن)يعجل بالخبارا=طارش كل الجماعه ينشدونه
هاض مابي سربة جتنا تبارى=كن سراعيف الدبى تمشي ركونه
مقمحين الخيل بعد المغارا=شاهمين في دبشنا ياخذونه(1)
عينوا عند الدبش ربع سكارا=كل سو الموت معهم ينقلونه(2)
شور بتال لهم عز وكارا=شيخهم لعلهم مايفقدونه
كن صفرا حزام قاصرها هجارا=كن حافرها بطبل يضربونه(3)
جا شليل الخيل من صوبه ذعارا=ردها يوم الردي طارت عيونه
حربته يجلى الطعن عنها الغبارا=شيخنا اللي بالشجاعه يعرفونه
ذا لعينا اللي تقروع بالعشارا= والسلب من دونها مايلبسونه(4)
(1)شاهمين: مقدمين بشهامه.
(2)سكارا:كنايه عن إغلاق الغضب عن إباء وفروسيه.
(3)حزام: يريد بحزام أبا شبنان شيخ آل رشدان من المصارير.
(4)السلب:اللباس.