السلام عليكم ورحمة الله وبركاته
هذه قصيدة مرثية للشاعر /
فراج بن فهد بن جديع آل بريك
في المرحوم بإذن الله الشيخ /
سعود بن عايض بن شدآد آل بريك .
يا والله اللي فقدنا شايب غالي
اقفت به الغبر مطاية ورجلية
الايام في سيرهن يدنن الاجالي
والعمر يقصر الى زادن لياليه
ياصرم حالي ليا جيت المحل خالي
يا شين شوف المحل من عقب راعيه
فقدت ذيك العلوم وذيك الامثالي
وسوالف من حثام الهرج منقيه
وضحكة حجاجه الى من جوه هشالي
تجلى العمس كنها فنجال بريه
يسلى به الخاطر اللي فيه ولوالي
اللي تزاحم همومه روحه وجيه
وعون لمن حدته بقعاء على الجالي
اللي ظروف الدهر يمه نحاويه
ياهب قلبي عليه ويا وجد حالي
من فرجة له مهيب اليوم ممليه
لاجيت بارقد قزى من موقي الحالي
والعين تسبل الى من حل طاريه
يالله عسى له بدار الخلد منزالي
بين البساتين في ظل وفي فيه
في مقعد ما يجيه من اللهب صالي
ما بين نهرً وبستانً وحوريه
والعمر سيور ما يفنى ولو طالي
ودرب الفنا سكة للناس ماطيه.
الله يرحمة ويغفر له