اقتباس:
المشاركة الأصلية كتبت بواسطة مشعل راشد الشايقي
( قد نميز الكريستال من الالماس ولكن )
هل هي شطحت فكر ام هذه أوامر الشعر
لو كل مخلوق تفكيره كبر راسه = كان استحى فيل من تسحيب خرطومه
وماشفت لك ذيب يقوى لحظة نعاسه = الشاه تسرح وهو غرقان في نومه
والحر للخرب يصبح دوم مفراسه = وصار الهدد لرخم ياخوك و البومه
بعض الرجاجيل يقبل مالي الباسه = وعند الشدايد مايسوى قيمة هدومه
جبل ولا هب علمٍ راح قرطاسه = مخيال ثوب النسيم يصفق كمومه
لو المراجل تجي تعلوم ودراسه = كان العرب مابهم من ضيع سلومه
بعض الكرستال يلمع مثل الالماسه = والمدرك اللي يقيّم أول السومه
لكنا في وقتنا ذا ضاعت الطاسه = المال يجعل صغار عقول مخدومه
يالذرب يالقرم كف الجود نبراسه = ياسهيل غيرك نقول نجوم مزعومه
هو به فقير البشر تشتاق مجلاسه = او قيل فيه النعم لو طابت علومه
لاصار فقر الرجل عيبه ومقياسه = اكيد كل الخصايل فيه معدومه
وخطاه يصبح خطيئة حتى من ناسه = والتاجر استغفر الله روح معصومه
وش حال خاطر حطب والمجتمع فاسه = وما ينفخ الضو حظ أشفاه مشرومه
من وين فنجال فزعه يذهب عماسه = والفزعه دلالها قدام مخصومه
هو فيه عينٍ عشان الحب عساسه = او قلب يخفق عشان قلوب مكلومه
يطيح شامخ قدر من قدر مياسه = بنت الصدر نبتت الأضلاع مرحومه
رهف القوارير يكسر من قسا باسه = غرشة عطر بالخطر بإحساس ملغومه
شطحت مدري قصيدي مات حباسه = لاقلت قفلت قافي ضاف معلومه
فرق الشعر شاعرٍ يشتب هوجاسه = للغير وهموم غيره مصدر همومه
وشاعر دموع الطفل ماتوقض إحساسه = اغلا القصايد قصيدة تقضي الزومه
والنقد كدر زلاله حقد بلاسه = افواه تنقط عسل بكواب مسمومه
خالف وتعرف ياتعسه من بنت ساسه = طموحه القاب لكن لـقب العومه
ومن نظرته عند خشمه سيّده ياسه = ومن ينظر بعيد حقق سيّد حلومه
|
صح السانك وخوي مشعل وعتلا شانك قصيده مليانه جزله من جزل
تقبل تحياتي