شمس البداوه غابت بحزة عصير
غابت مستعجلة في وضح النهار
وخطفت شهامة رجالن مغاوير
ماذلو انفسهم بأشد الاخطار
لاكن روحتهم وراحو مكاسير
ودمع عيونهم على الخد مدرار
ولسان حالهم ينشد تحاسير
على بدوً كانو بالامس احرار
جاهم من الغرب امر بالتغير
نسف اغلب طبايع اهل الدار
وين اهل الكرامة راعين الاساطير
اللي غمد سيفهم للرقاب بتار
ما انذل عندهم كبير او صغير
الا حقه جاه مامات محتار
واليوم من يقدر يحمي مستجير
الا يسمونه طويل الاذن حمار
ومن يقدر لحال الامه يستثير
او بس يحكي عن بعض الاضرار
يسمونه رجعي يمشي عكس السير
او جاهلي متحجر وجهله ثار
والله كل شي بهذا الزمن يصير
دام الردي له منزله ومقدار
وراعي الطيبة ماله ابد تقدير
غبي سموه وذا اللي صار
وبعض شباب البدو غزاهم تغيير
بجل موقف شعره كنه منشار
هذا تهقى وراه فزعه وتحرير
ابك من مسكت ايد بالحيل يغار
وغيرهم بلاوي صعبت التفسير
من قول غيررحماك ياغفار
مانبغى البدواه نفس بداوة الزير
نبغاها بداوة صحابتنا الابرار
اشرقت البداوه مع عمر والزبير
وجت نهايتها بيد ظالم وغدار
واغلب الشهامة بس وصف وتعبير
كذبه مكتبوبه بس في الاشعار
م/ن