السلام عليكم ورحمة الله وبركاته:
هذه قصيدة عبارة عن مشاعر قالها الشاعر/ هتيل بن سعد بن هتيل المسعري في الشيخ سالم بن مسفر بن طاقان العمور بعد أن التحق بخوة ومرافقة صاحب السمو الملكي الأمير/ مشعل بن سلطان بن عبدالعزيز.
سلام ياشيخ على ساس شيخان
وافي المناسب بالخوال وعمامه
خمسة عشرعام مع الوقت صدقان
عمر مضا با أغلا المراحل صرامه
صداقة ماهيب فاحيان واحيان
تبنا على حسب الثرى وانعدامه
محد فرح مثلي ولا مثل شبنان
شرواك ياسالم نكن احترامه
مبروك الخوه لنا يابن طاقان
من كرمك يعمنا بالكرامه
مشعل ولد سلطان والجدسلمان
عز النسب مجدوشموخ وزعامه
لاشفت وجهه كني انظر بالاعيان
سلطان قدامي بهيبة مقا مه
حر على مجناه من راس حوران
ابوه لا عدوا ملوك الشها مه
قصره لحاجات المقلين مزبان
من جاه يبشر بالفرج والسلامه
الانسان بالمعنى الحقيقي للانسان
ويبشرك بالخير شوف ابتسامه
على خويه مثل ودان الامزان
وبل السحاب اللي بشيره غمامه
عقبه وفكري لأعذب الشعرعطشان
قافي عقب سلطان طول حيامه
راح الكريم اللي تجي فيه الأوزان
سلطان لاأعطا ماتغير كلامه
كم مرة عني جلا هم الاحزان
الله يبيحه عد ما أمضت اقلامه
ومشعل ولد سلطان ماساربه هان
شبيه ابوه اللي نظامه نظامه
فكره ر جح بالعقل في كل ميزان
درب المعالي هو هواه وغرامه
ينساق شعري فيه باحساس وجدان
وشعور تفكيري وغاية مرامه
وفا لبوه اقدمه قدر الامكان
من وقتنا الحاضر ليوم القيامه
مادام به حي من عيال سلطان
لا أقول شعري فيه لأجل احترامه