[معلومات العضو راشد المسعري]

وعرفت ليه الناس تنطق بالامثـال...اثرالتجارب مكسبـي راس مالـي
رجلن يحسب ان المراجل بالاقـوال....والا بغيتـه راغ مثـل الثعـالـي
ورجلن يجيك احوال ويغيب باحوال...في غيبته عذره والاجـاك غالـي
ورجلن على الدانين سون وغربال...ولا مع القاصيـن ريفـن ظلالـي
ورجلن صدوق اقوال واقواله افعال...ومن دون ربعـه يرتكـي للثقالـي
ولاتحسب انك يارفيقي على جـال...وتقول عندي من ربوعي غوالـي
خلـك علـى ماقيـل حـلال فتـال...واحسب حسابك عن صدوف الليالي
لاترتجي جاهن ورى غيرك ومـال...الجـاه جاهـك والهلـل والريالـي
شربك على ماقيل مـن كفـك زلال...ومن كف غيرك مر لوكـان حالـي
ومن لايحسب مخرجه قبل مدخـال...لايزعل ان داسو عليـه الرجالـي
ومن لايميز بين منصـح وعـذال...بيشوف من وقته سمومن وصالـي
قلته وانا لي لابتن روسها طـوال...ولامن بدا لـي لازمـن ينقضالـي
لكن طـراة القـرم للحمـل شيـال...ومن بد ربعـه شايلـن مايشالـي

الله الله

يامرحبا يافارس

ابطيت وجيت بالجزلة

صح لسانك صح لسانك صح لسانك

جزالة وحكمة وإبداع

لاعاد تغيب ياكحيلان

ننتظر جديدك طال عمرك تقبل ودي وتقديري ،،،