السلام عليكم ورحمة الله وبركاته:
هذه قصيدة للشاعر سلطان بن محسن بن سلطان المسعري بمناسبة تأهل نايف بن مسرع لمرحلة ال12 من شاعر المليون-النسخة الخامسة: |
ربعك حزام الظفر حماية الساقة
عدّيت صعب المواقف واحذف العمة
فزعات ربعك نهار الضيق شواقه
دواسرن من ذخرهم ينجلي همه
قومن على الطيب والوقفات سباقة
وقفة ولدهم تكفي عن بني عمه
كل أبلجن لا تبين ماثنى ساقه
تلقى صفات الكرم والجود في دمه
ورثن من اهله ومن توفيق خلاقه
فزعاتهم تورد الظامي على الجمة
وتبشّر اللي ورى البيبان باطلاقه
يوم انتخاهم سجينن زايدن غمه
السيف قافيه والفزعه لها فاقه
يومين مرّت وفيها مطلبه تمه
عشرين مليون زادوا فوقها طاقه
فزعاتهم لا تناخوا ساقها همّه
إسوات موج البحر حزت تصيفاقه
واليوم يالابتي والناس ملتمه
نايف ينومس بني عمه تفواقه
تكفون تكفون فزعتكم على اليمة
فيها لنا بيرق المليون حقاقه