قصيدة ليل المفارق وهي اخر ماكتبت اهديها لموقع قبيلة الدواسر
الليل وسود عيونها وعدو الاصيل المسرجه =وجمر الحنين وكبوة الفارس وبرق حجاجها
نـظــرة تـنـزلـك درجـــه ونــظــرة تـعـلـيـك درجــــه =والناس تشنى مـن يصارحهـا ومـن يحتاجهـا
وليل المفارق وين يلقى من همومه مخرجه =يـادمـعـة الـفـرقـى وذكـــرى حـزنـهــا وخـلاجـهــا
كــــل انـتـبـاهــه للهمـــــوم ولـيـلـهــا تـسـتـدرجــه =الـبــارح الـذكــرى يامـكـثـر طـيـفـهـا وازعـاجـهــا
انحباس صدري واعتزالي والسنين المحرجـه =وكـرامـة النـفـس الـعـزيـزة مـسـهـا واحـراجـهـا
طـفـفـت مـيــزان التـفـاضـل يـازمــان البـهـرجـه =تشمـخ علـى سطـح البسيطـه للعلـو ابراجـهـا
والله عظـيـم المـغـفـره والـكــرب يـقــدر يـفـرجـه =مــادامــت الـدنـيــا تضيـقـبـنـا وهــــذا انـتـاجـهــا