قالوا هبيل و جايزلي هبالي =هبال طيب ولا صحاوة رخامه
هذا البيت المشهور صاحبه :
مسلط بن شعيفان ابو اثنين السبيعي . وهو اقرب خوي للامير الوليد بن طلال وهو من قال له انت مهبول
.. قصة هذه الابيات هو انهم كاانوا مجتمعين فسأل الامير/الوليد بن طلال مسلط :
سؤال جاوب عليه مسلط بجواب اغضب الامير الوليد بن طلال
بعدها زعل الامير/الوليد وقال (( انت مهبووول))
.. وطلع من عنده مسلط وارسل الى الوليد هذه الابيات
يا أمير أنا عندك حشيم وغالـي =ولا احب انا شئ يمس الكرامه
نفسي تروم المرجله والعوالـي =هذا هدف نفسي وهـذا مرامـه
تاجرت في باب الشكاله بمالـي=بعت الرخامه وأشتريت القرامه
قالواهبيل و جايزلي هبالـي=هبال طيب ولا صحاوة رخامـه
هذي تفاصيلي وهذي خصالـي=يقول اللي ما زهد فـي كلامـه
أن جزت لك فأنا الرفيق الموالي=وأن عفتني مسموح ومع السلامه
دور وتلقالـك رفيـق بـدالـي=وكل يبي رفقتك ترفـع مقامـه
وماكان من الوليد الا ان ارجعه مع مبلغ كبير من المااال .. وهذه هي القصه الحقيقيه...