ترا خوة أهل الطيب يالطيبيـن أطبـاب
يطيب السقيـم وخـوة الاش سلالـي
تغانم شبابك يا بيض الوجه دامك شـاب
ترى البدر لو يطلع قمر عـود أهلالـي
فلا تهجر المسجد وخلك ورى المحـراب
ترى روضة المسجد لهـا منـزلٍ عالـي
ولا تترك اللي يزهمك خايـفٍ مرتـاب
ترى الذل ما نجى الثعـل بـا لتحيالـي
ولا لندى غير الفدى لو تـروح أرقـاب
ومن ضاع شوره يا خذ الشـور ويمالـي
ومن با شرك بالعـذر لاتلحقـه بعتـاب
ولا تشوف نفسك شيخ والناس عمالـي
ولا تهين نفسك لو تجي بين ضرس وناب
وهيبتك لا تنقص ولـو ربـع مثقالـي
وبنت الردي لا يعجبك زينها الجـذاب
تراها كمـا المخيـال خيـل وتخيالـي
أخذ بنت قرمٍ طيبٍ ساسها مـا عـاب
تنومسك بنت الشبل ويجيلـك أشبالـي
أعيال الذياب تصير مثل الذياب أذيـاب
وعيال الثعالب مثلهـا زهـر الاذيالـي
جزاااااااااااااااااااااله من راااس حكيم
صح اللسانه ولسانك وجاد بيانه
وبيض الله وجهك على النقل الرائع
دمت في حفظ الرحمن