[معلومات العضو راشد المسعري]

المشاركة الأصلية كتبت بواسطة راكان

السلام عليكم ورحمة الله وبركاته


كـــان الـجـنـدي ثــامـر بـــن فــلاح الـشـمري فــي دوره عـسـكريه

مـسـؤولـهـا الــمـقـدم/تـريـحـيب الـعـتـيبي ,,

وقد تعرض الجندي ثامر لإطــلاق نــار غـيـر مـقـصوده

ومـكـث عــدة ايــام فــي الـمـستشفى

وعــاد بـعـد ان تـمـت دورة زمـلائـه وتـمـكن مــن الـتـخرج مـعـهم

فأرسل والده فـــلاح بـــن شـامـان الـشـمري هــذه الـقـصيده إلى المقدم العتيبي :

سلام مني للمقدم تريحيب=اعداد ما خط القلم بيد كتاب
وعداد ما غنوا هل الفطر الشيب=بأرضٍ خليه ما بها غير الاعشاب
وأعداد ما ذعذع نسيم الهب اهيب=وأعداد ما سجيت رجلي للاقراب
ما هي غريبه منك يا كاسب الطيب=حلياك من نجمٍ تبين ولاغاب
شريف ما يدخل على ساسك العيب=من يفعل الحسنا بالاجواد ما خاب
لقيت بالعتبان خمسة عذاريب=الطيب والنخوه وتقدير الاجناب
دون الخوي يا طون حر اللواهيب=وان حدت الدنيا يفكون الانشاب

فرد عليه الشاعر : تريحيب بن سويلم العتيبي يقول :

حي الكتاب اللي من الشمري جيب=اقولها بالصدق ماني بكذاب
يا مرحبا عد النجوم المراقيب=ترحيب مشتاقٍ ليا شاف الاحباب
بكتاب ابن شامان رجل المواجيب=فيه الجواهر بين صايغ وحساب
بنيت له بأقصى ضميري دواليب=هذا الرصيد اللي كنزته وراء الباب
من شأن ثامر يرخصن المطاليب=جوينا الطيب له الحق غصاب
خوينا ننصاب مثله ليا صيب=نمرض معه ونطيب مثله ليا طاب
يا عل ما يفتق على مثله الجيب=والله يجيره من صواديف الاسباب

ارجوا ان تنال القصه على إعجابكم

تقبلوا تحياتي وتقديري اخيكم/راكان العجمي,,,

الأخ: راكان العجمي

تسلم على رواية هذه القصة ، وصح لسان أبو ثامر ورفيقهم العتيبي وهذي سلوم عيال

الحمايل ويستاهلون العتبان ماقيل فيهم من مدح فهم أهل له ، وكذلك العجمان

يستاهلون الطيب والعلوم الغانمةوهم أ هلها .

الله الله في في رواية مثل ذالسوالف ياراكان جعلك تحيا على عز وطاعة.ولك الود
والتقدير،،،