هذه القصيدة المتواضعة أهديها لملك القلوب الملك / عبدالله بن عبدالعزيز
وإلى الشعب السعودي النبيل بمناسبة عودة ابا متعب إلى أرض
الوطن سالماً معافى .
اللهم أحفظ مليكنا وبلادنا وأمننا من كل مكروه
..
آمل أن تنال إعجابكم .
أفراحنا ترسم الصوره = صورة من الحب قلبية
(إخراج شعبي ومحصوره )= ماهي بالأسواق مشرية
مليكنا مولع(ن) نوره = على البلاد الســــعودية
يامرحبن بك ياخونوره = هاذي شعارات شعبية
كلن يعبر عن شعوره = يهدي لك صور فورية
والدار ترحب ومسروره = تفرش لك الخد زولية
وتاريخنا سجل سطوره = إنك عظيم (ن) وشخصية
ياقمة المجد ياأسطوره = ياقايد(ن) فيك حنية
وقفاتك البيض مشهوره = بالعز والطيب مبنية
يمناك بالخير ممطوره = تسقي قلوب(ن) شقاوية
ياخالق البيت ونزوره = أحفظ لنا مخلص النية
ياربنا سهل أموره = وإنك تعز الســــــعودية
عبدالله المصارير
ٌ