[معلومات العضو شافي بن راشد النتيفات]

بسم الله الرحمن الرحيم الحمدلله رب العالمين والصلاة والسلام على اشرف الانبياء والمرسلين نبينا محمد وعلى آله وصحبه اجمعين امابعد فقبيلة النتيفات من الدواسر قبيلة معروفه بالكرم والشجاعه والحمية وغيرها من الصفات الحميدة التي يشهد بها القبايل العربية فبم جهود مني اردت في هذا الموضوع ان اجمع ما استطيع الحصول عليه من الشعر الذي اشاد بذكر النتيفات سواء من القبيلة او خارج القبيله وسواء في الوقت القديم او الحالي ومنها قول الشاعر مسعود القحطاني يانديبي وارتحل من فوق ريمه = قطب شدادك عليها والكلايف النتيفي عارف ن درب العزيمة = شرفه ربي مع سبع الطوايف ويقول الشاعر عبدالله بن مطرود القريني النتيفي بالمروة والعـــــــــنوه = عدهم لاعدو رجال الحمـــايل بالشجاعه والسخا صيته مفوه = النتيفي نافل كل القبــــــــــايل منهم الحكام وهم اهل السموه = هم سنام المجد ذروة لاد وايل ويقول الشاعر سعيد بن الفنسا القحطاني ليت القبايل كلبوهم نتيفات = لاد العميري مكرمين القصاير ويقول الشاعر محمد بن مهدي وشاهدت انا الاحرار من لحمي ودمي = فيازينها من دار دار النتيفات وقال الشاعر جلحان بن مدوس الفصام جزيل الثنا يستاهلونه هل الهدار = ولايكسب الناموس كون المشاكيلي سقا دار ربع تكرم الجار والخطار = عسا شعبهم ينحي معه دايما سيلي وقال زيد بن سعد الشكره ابرك ايامها واسعد لياليها = يوم سيرنا لعرس الجميلية وقال عبدالله بن عبار ربع الجميلي عزوته مابهم ريب = عوق العديم اللي عن الدرب ينعاج ويقول راشد بن مهدي فربعي نتيفات مع طيب نسلهم = حنوش الصلال مسكته احلالها ويقول عبيد بن عطاالله الشيباني ينصا هل الهدار نثارة الدم = اهل الكرم في العسر يوم الظروفي لازم لياجيت النتيفات تعزم = الاد وايل مكرمين الضــــــــــيوفي ويقول سلطان بن مثيب ربعي نتيفات عصـــــاة مناعـــــير = لطامــــــة العايل قليل خطاها اهل الكرم والجود واهل المخاسير = وللضيف لاجاها سريع قراها ويقول وطبان بن راشد النتيفات النتيفي بين فعله وطيبه = يشهد التاريخ ماض الاسلافي وقال الشاعر شافي بن راشد النتيفات دار الجميلي فيصل مكّرم الجــــار = الـلي عمــــرها بالكـــرم والطموحي تسعين عام يصالي الحرب مـدرار = صــــابر على ضيم الدهر ما يبوحي حتى حماها من سطى كل جبـــــار = عــدا الشريف اللي يبـــيها صبوحي لين اصبح الدم الحمر كنه انهــــار = وكل يقــــول الــيوم ما اريد روحـي واللي سكن من صلبه اليوم فاـلدار = نتيفـــــات لاعـــــدو بعاد الشبوحـي اهل الكرم والجود والطيب والكار = ربــــع مواقفهــــم تهـــــز الجنوحي عز الخوي والجار للجالي انصار = نزبن اللـــــي ناهتــــه ما تروحــــي للضيف مثل الغيث لاهل سبــــّار = وسمٍّ بوجه اللي طمعنا ذحوحــــــي وقال ايضا كسابة الجزلات ذربين الايمـان = أهل الظفر يوم الليالي معــــــاناة والنعم في ربعي هل الطايلاتي = اسم النتيفي يرفع الراس طريـــاه الكل منهم ياهل العرف وافـــي = أهل الكرم في مقدم الوقت واتلاه وقال ايضا هنا وقفت ولي مكان وقيـــمة = نتيفي لــــي عزوة غلابـــه في فرعة الهدار والا الهمجة = وفي كل دار صيتها فزنابه وقال ايضا ربعي نتيفات الى من ثارت الهية = يردون حوض المنايا وردة حيامي الكل منهم تراها من مناوية = يوم الجهل جمعنا ماهوب ينظامي وقال الشاعر سالم بن ودان النتيفات ربعي النتيفات كان انت تنشد في زمان مأكثر الي فيه لان وربعي الي صامدين= وقال الشاعر عويض بن قحيفان الخضراني راكبه نصه قروم معاطــيبي = النتيفات والديرة ومــن فيـها ديرة سلم أهلها أهلاً وترحيبي = جعل ترجع وماء الهدار يسقيها وقال الشاعر عامر بن عبدالرحمن اقوله وانا من لابـه للكـرم عنـوان = (جميلات) ساس المجد والعز زاهيهـا ويقول الشاعر حمود بن عبيد البريك لآد النتيفي مرويه حدب الأروام=لهم على الجميع الثقيل اللتطامه مركاظهم يشبع به الطير لا حام=رغم أنف من خشمة قويٍ عرامه فالسلم او من قبل وقت الإسلام=اضرب بحقٍ بطل يزهق حرامه مطوعة الأخصام في سوق الاخصام=وانتم خوال الجود وأنتم عمامه وأنتم وحنا من قديمات الأعوام=صفٍ على الشده يزيد التحامه تفنا به أقوام وتحيا به أقوام=في روس قومٍ ماتعرف الرخامه صفٍ على الأمجاد طول الزمن دام=لو كل شي مستحيلٍ دوامه لكن يقول الهاجري في ضنا يام=حنا شوي وشايلتنا القرامه والشعر في قبيلة النتيفات كثير وسوف اورد ما يستجد واحصل عليه في هذا الموضوع كتبه / شافي بن راشد النتيفات 23/3/1432هـ