19-02-2011, 01:56 AM
|
#19
|
إحصائية
العضو |
|
|
رد: شم الجبال الشامخات الشواهيق // مهما رست فوق البسيطه تحتنا
اقتباس:
المشاركة الأصلية كتبت بواسطة محمد بن سالم الخضراني
من باب توضيح النباء للمخاليق=طرق على اخشوم المجنن ثبتنا
ان سرمدو مانلتفة للملاحيق= وان درهمو ترهي بهم طايلتنا
يفنون شيخان الرخاء واللصاميق= ماحصلو لو وجهة من جهتنا
والشيخه اللي ماعليها مواثيق=لاحدها سوط الزمان ازبنتنا
مانضلم اصحاب الهمم والمطاليق=ومانظلم العالم ونظلم بختنا
تركض ورى حب المضاهر مرازيق=وعن ذمهم ترجح بنا طيبتنا
منهم يجوز الصفح من دون تعليق=وعن كيدهم تسمو بنا منزلتنا
ناس مغير تلفق الهرج تلفيق=يقودها سلك الحرير او بلتنا
والى تلاحو بالغناء والطواريق=وتطاولونا بالحكي ماسكتنا
اثقل عليهم من حجا قمة طويق=ولو لا المخافه من زعلنا كلتنا
وان دنقو للهون والذل تدنيق=في مايخص اعراضهم ماشمتنا
نعيش وضلوع الحنايا صناديق= ونموت ماتنزل بنا معرفتنا
شم الجبال الشامخات الشواهيق=مهما رست فوق البسيطه تحتنا
حنا ذرالخايف الى من شكا الضيق = و الى ارتدم صف المعادي ثبتنا
بمزرجات ضربها ينكس الريق = منها القبايل في الجزيرة درتنا
دوسر ولا يحتاج للاسم تعليق=الفعل كايد والمعالي جهتنا
|
الاخ / محمد بن سالم الخضراني
أرحب تراحيب المطر يالقرم
قصيده جزله وليست غريبه على شاعر بوزنك
صح لسانك و أعتلى شانك
سجل أعجابي بشاعريتك
ولك أطيب التحايا
التوقيع |
ياهرجاً هرج القفا لاتهرجه=مأنته على بعض الكلام مغصوبي
لسانك حصانك وكلمتك سرجه=أهم حاجه لاتسمى كذوبي
أما نطق بالصدق فالصمت درجه=أقفل عليه الدرج حتى يتوبي
وهرج النميمه لايجي فيك برجه=يرسل ويستقبل حصاده ذنوبي
راقب ولي الكون مولاك وأرجه=وأن كان شايف عيب كلك عيوبي
|
|
|
|