مساء الخير ياعضاء منتدى الدواسر القبيله العزيزه على قلوبنا هذه قصيده غزليه للشاعر صالح بن حمد بن لعسم الكربي اعجبتني وحبيت انقلها لكم
لبنان والمغرب ولنـدن وبرليـن
كل الحلا واللي مضى من عصوره
ادري بنات الناس فوق الملاييـن
بس الجمال اللي ذبحنـي بـدوره
فديت رمش العين ياناعس العيـن
حطيت لك بين المعاليـق صـوره
من صغر سني لين طفت الثلاثين
ماشفت والله بالحلا مثـل نـوره
ريمةِ تطغى على البيض بالزيـن
واللي حضر معها تغطي حضوره
لبيه يأغلـى يانعـات البساتيـن
ولبيه يانفـح العبيـر وعطـوره
ولبيه يابهجة قلـوب المحازيـن
ولبيه ياجرح الضميـر وسـروره
هذي شعوري لك من اول وهالحين
ومأضن قلبي لك يبـدل شعـوره