اقتباس:
اقتباس:
|
المشاركة الأصلية كتبت بواسطة ثامر البدراني
السلام عليكم
هذي قصيدة لي أقول فيها :
يا اللي نبات الشر في وسط أراضيك=يـــا لعنبــو من هو يحبــك وأغـــلاك
لا بارك الله بكل علم(ن) يطرّيـــك=يااللي معاني النحس كله بطرياك!
تلعب على الحبلين والكذب مرضيك=لانك ربيبة دون والواطي أرضـاك!
تغـــدر مــود(ن) بالمحـبــة مصافيك=يا جاهلة من يزرع الشوك .. ينشاك!
تحسب جميع الخلق تطلب أيـاديـك؟=يا خاينة محد(ن) عرفـــك وتمنّـاك!
جرحي صعب وردة الفعل تدريـــك=عن قوة فالبـــاس ما هيب تخفـاك!
أنا على عز(ن) تربيت .. وبثنيـــك=عن كل خسّه نابعه من حنايــــاك!
يا من فعاله كنها نفخـــة الديـــك!=ينفخ .. وشكله للخلاييق ضحّـــاك!
دوّر دموع(ن) تغسل الذنب وتشفيك=من همّ أبشر به ابقلبك بيــغشاك!
والله لنزّلْ فيض دمع(ن) من عنيــك=تجرح به خدودك صباحك وومساك!
الله من وقت(ن) مضى فيه أدرايـك=بين العيون وبين جفنين غطــّـــاك
لكن خسارة .. بعْـد ما كنت أغليك=وباحلى الكلام العذب شعري تلقّاك
من عقب ما كنت أترك الخلق واجيك=قلبي كرهك اليوم وعْلــن معـاداك!
مابيك يا خوّان ما بيـــك ما بيــــك=كذّاب والخسّه أصــولك ومنشــاك!
إذا الكذب والغشّ هــــذي مواريـك=فأنتي الغدر والحقد أبرز مزايــاك!
أول إلى غبتي أحنّ إلك وأشكيك=واليوم يوم السعْـــد لا شفت فرقاك!
لا واحسافة شعري اللي انكتب فيك=لا واحسافة عمر عشته بـــدنيـاك
أنتي غدرتي وبالمسبّــه أجازيــك=ذوقي مرارة ما جنيتيه بيمـــنـــاك!
ما كان ودي أكتب الشعر واطريك=بس انكتب إني أسبّــك وأشنـــاك!
وآخر كلامي يا عسى الرب يعميك=ولا بارك الله بكل علْمك وطريـــاك!
ثامر البدراني |
|
اخوي الشاعر ثامر البدراني
صح الله لسانك ملايين
وعسى كبدك بردت عقب ذا الابيات
الخيانه اكبر غبن خاصه اذا جات من قريبين
صح الله لسانك والله يعوضك بدل الخاين وافي
ننتظر جديدك وحتى قديمك ننتظره
اخوك الحر