أخواني الأعزاء بمنتدى قبيلة الدواسر
السلام عليكم ورحمة الله وبركاته وكل عام وانتم بخير
إليكم حادثة (تين ) مع ذكر القبائل التي إدعتها :
1. ذكرا البسام في كتابه تحفة المشتاق , وابن بشر في كتابه تأريخ نجد وقعة (تين) قالا: وفيها أي سنة 1212هـ غزا الشريف غالب بن مساعد بجنود كثيرة من الحاضرة والبادية , وصبح عربان قحطان والدواسر على القنصلية, وشيخ قحطان إذ ذاك هادي بن قرملة وشيخ الدواسر ربيع بن زيد المخاريم فحصل بينه وبينهم قتال شديد يشيب من هوله الوليد , وصارت الهزيمة على الشريف غالب وقتل من اتباع الشريف غالب نحو ألف رجل وقتل من الأشراف في هذه الوقعة نيف وأربعون شريفاً , وغنموا قحطان و الدواسر من الشريف واتباعه غنائم كثيرة .
وقيل في هذه الوقعة أشعار كثيرة منها قول الشريف راجح بن عمرو الشنبري :
الله لايسقـي نهـار ورا تـيـن = يوم غدينا ياشجيـع بـه اقطـاع
جينا الدواسر مع فريق القحاطين = كلنا لهم بالمد واوفوا لنا الصـاع
ياشيب عيني يوم قالوا عقاليـن= ود الذليل انه تـراب مـع القـاع
جونا الدواسر مثل ورد محيميـن = جونا وجيناهم على كل مطـواع
حطيت بالرجلين زيـن التواميـن = ووسطتها مابينهـم تقـل مـزاع
والخيل مثل مغلشات الشياهيـن = والقلب من كثر المثارات يرتـاع
نبي نرد ولا اودعونا الوداعيـن = ياما وطوا منا على صحصح القاع
ياشوفة الله ليلة الغـزو ملفيـن = لو تجمع الستين عشاهم الصـاع
يافضحنا من لابسات السباهيـن = اللي يديرن الشويرع بالاصبـاع
الاشراف لانوا عقب ماهم بقاسين = والشق مايرفاه خمسة عشر بـاع
2. وقد نسب البعض القصة والقصيدة لقبيلته ضاربا بالمراجع الموثقة عرض الحائط و من أولئك صاحب كتاب سبيع الغلبا واستشهد بالأبيات التالية ونسبها لأحد الأشراف :
لا عاد يوم يا شجيع ورا تين = يوم خذينا ياشجيع به اقطاع
لحقت بسبعان على الهوش ضارين= ياما وطوا منا على صحصح القاع
لحقوا هل البل ورد محيمين= والصفر من ضرب المزاريق خراع
الحمر مثل مهرفات السراحين= والشق مايرفاه خمسة عشر باع
الأشراف لانوا عقب ماهم بقاسين= والقلب من كثر المثارات يرتاع
تباعنا بالعد زادوا على ألفين= وشريدة الألفين عشاهم الصاع
3. ولم يقتصرالأمر على نسبة القصة لسبيع بل تعداه إلى نسبتها إلى قبيلة بني هاجر أيضا وهم في غنى عن ذلك ,ولا ندري فلعل هناك قبائل أخرى تنسب الحادثة لها فالأيام حبلى بالعجائب , ومن أولئك الكتاب محمد الهاجري في كتابه شعراء وفرسان من الصحراء وتابعه سعود الهاجري في كتابه بنو هاجر, وزاد الطين بله علي بن شداد الحبابي في كتابه الدليل والبرهان وليته أتى بدليل أو برهان من المراجع المعتمدة , الشاهد أنه يذكر فيه نجدة بني هاجر لقحطان قادمين من شرق الجزيرة, وقتلهم للمدعو ابن برهوم أحد مشايخ الدواسر(كذا زعم) عندما منعهم من المرور بأراضيه عند رغبتهم نجدة قحطان , وتناسى أن الهواجر وقت وقعة تين في مواقعهم الأولى قرب تثليث لم ينتقلوا بعد, بل كانوا من أنصار الشريف ,ثم ذكر القصيدة المنحولة ونسبها لعبد الشريف ومنها :
الله لا يسقي نهار على تين = يوم خذينا يا بديع به اقطاع
جونا الهواجر مثل ورد محيمين= قطاعة ما همهم كثر الأطماع
ياليت حنا ماحربنا القحاطين= ياما وطوا منا على صحصح القاع
الأشراف لانوا عقب ماهم بقاسين= والشق مايرفاه خمسة عشر باع
4. ومن جميل القصص أن الكاتب علي الحبابي أهدى الشاعر الراوية بخيتان بن ضافي المخاريم نسختين من كتبه وفيها نسبة حادثة تين للهواجر مخالفا للواقع وهو من أهل الإختصاص و المعرفة , فما كان من الشاعر بخيتان إلا أن أهداه القصيدة التالية معاتبا عليه عدم التحقق في النقل (زودني الشاعر بنسخة منها )وفيها يقول :
يا الله يا عدال ميل الموازين= ياعالم مافي خفايا السدودي
يا غافر ذنب الصيام المصلين = تغفر اذنوبي لاسكنت اللحودي
انك توفقني على المنطق الزين=والا الردى لو قيل مامنه فودي
من بعد ذا نويت اعبر بقافين= تعبير بلسان ضميره حشودي
جاني مسير من الحباب أحمر العين= علي ولد شداد نسل الفهودي
فزيت ثم رحبتنا به ملايين= اللي لفاني من بعيد الحدودي
جاني ومد لي الهدية كتابين =هدية ما تنلقى بالنقودي
فيها نسب وافعول كل القحاطين= اموضح فيها جميع البدودي
أصل العرب قحطان مافيه ثنتين= الصدق ماهو ينجحد للجحودي
في العسر كرمان وفي الهوش ظفرين= ولا هي غريبة قول جود ابن جودي
ذولا اعيال العود وافين وافين= أقولها والناس غيري اشهودي
لكن فيها غلطة جات في تين =مدري سهو والا الكلام امعمودي
أخبار تين ثابتة في الدواوين =في كتب نجد السابقات معدودي
سجل لها( البسام) جملة عناوين =و(البشر) و(الجاسر) ثلاثة ابنودي
و(الشنبري راجح) قصد فيه بيتين= وش عذرهم من ضافيات الخدودي
أخبار تين وقعت بين شيخين= بين الشريف وضده ابن سعودي
أمر على (هادي) وعلى (ربيع) الدين =والكل منهم جا يقود الجرودي
قال انطحوا الأشراف ومشوا ملبين = قال الشريف امحذر بالجنودي
معه عساكر مصر والترك ماشين =وعسكر مغاربة تدق الحيودي
ونطحوهم اللي في المواقف سلاطين= وضاعت إعلوم ملفقين الجدودي
و(برهوم) ما أوحيناه يكون هالحين =من بعد ما كل ركب له قعودي
المجتهد مثلك ترانا له انعين =الله يعين مكرسين الجهودي
سجلت لك من القيل مردود سطرين = نشدت لو ما اعد نفسي نشودي
وصلوا على اللي وضح الزين والشين =ومحارب لاهل البدع واليهودي
هذا والله يحفظكم محبكم ابو عبدالله والسلام عليكم .