هذه القصيدة للشاعر /محمد بن عايض بن موفي آل حميضان الودعاني
بابدع القـــــــــــاف واغني بمواله**** يوم اناامدح ربوعي وافتــخر فـــيها
بامدح ربوعي اللي جالهــــم طاله**** في قديم الزمان وفي تواليـــــــــــها
لاد زايد هــــــــل الطالات والقاله**** لابتي سعد من هو يعـتــــزي فيـــها
والدواســـــــــر لهم مجدٍ له افعاله**** بينٍ مجدهـــــــــــم ياجـــاهلٍ فيـــها
واسمين العصـــا والجار نسعى له ****ماحــــــد ٍقبلنا يذكــــــرمشى فيـــها
من زبنّا فيبشـــــــــــــر والله بفاله**** وانشـــد ابن المطرّف كان تبغيــــها
يوم جانا يجــــــــر الحمـل باثقاله ****ماجفيـــــنا وهــــــذي ماندانــــــــيها
وعندك جريس وانشد يخبر بحاله**** يخبرك عن علومــه من يمانيــــــــها
والبريمي مضى له صولة وجـاله**** يوم كل يهابـــــــه وانكســــر فـــيها
وفتح جيــــزان حنا اللي عنينا له**** ومعه نجران وما ضمت ضواحيـــها
تحت راية ملكنا العــــــود وعياله**** حن صفينا عسى ربي يســـويـــهـــا
من على زايــــــد وانا هل الطاله ****وكل عايل يجي نفســه نوطــــيـــها
من جهل يسأل التاريخ واقــــواله**** يخبرك عن عقل وجنون اهالــيــــها
كان هي بالعقــــــل فالعقل نحتاله**** وكان هي بالجنون انا نخـــــاويهـــا
ورعنا لاظهرللطيب يحتــــــــاله**** والحرار تعرفها من مجانيــــــــــــها
والسوالف لنا ياجاهـــــــــل حاله**** ماتعــــــــــد العلوم الا لاهالــــــيها
حن عمود الشراع وغيرنا ظلاله**** حن حمينا حضــــرها مع بواديــــها
حن هل الإبل وحنا البدو رحــاله ****حن هل الغرس يشرب من سوانيها
والله اللي عطا ياسعــــــــد منالـه**** والعطـــا من جليل الملك واليــــها
ربنا اللي عطانا والعطــــــا ماله**** يعطي بلا حســــــاب ولا يجازيــها
والختم باذكر المعـــبود وافضاله**** ثم اصلي على المخــتار هاديـــــــها
اخوكم
محمد بن عريمه