12-10-2010, 10:13 AM
|
#1
|
إحصائية
العضو |
|
|
!! لاضــــآق صدري جيت نجر ودله....!!
بسم الله الرحمن الرحيم..
ومساكم خيـــــــــر//
أعجبتني كثيــــــــرا أتمنى تحوز على رضا ذائقتكم الشعريه..
يالله يا اللي سايله ما يمله= يا منبت العشب الخضر بالرشاشي
تفرج لمن كنّه على صلو ملّه= متحيرٍ ضاقت عليه المواشي
لا ضاق صدري جبت نجرٍ ودله= وسويت ما يطفي لهيبٍ بجاشي
وإن جا المسير عمس عندي دوىً له= فنجال ما سواه خطو الخداشي
بكرٍ على ليا جيت أزلّه= يشبه خضاب مردوعات النقاشي
وان كثر هتّاش الخلا ما نمله= حقً علينا فزةٍ وانبهاشي
يوم ان ولد اللاش ياقف بظله= كنه على درب المراجل يهاشي
ومعبرينٍ كل وقتٍ بحله= نصبر على ما كاد والرزق ماشي
حينٍ هشيم وحين نوقد بجلة= ومرً نبهرها ومر بلاشي
ونوبٍ بيسر ونجمع الكيف كله= ونوب على الشامية أم الغشاشي
تعبى لضيفٍ عانيٍ من محله= نمشي قصاد ولا نحب انتفاشي
الشاعر/ محمد آل ونيان
ودمتم في حفظ الله
|
|
|