اخو بدوا
قبل لاتورد لي هذا الخبر اقرأ ردي فوق وتعرفة لكن انت عينك على شي وتخلي البقية
كون دخنة كان عقب كون الدحملية اللي ذكرته اللي كان لقحطان فية الغلبة ودخنه كانت فية الجبلان فقط ومعهم مطلق الجبعاء وال عاصم ومعهم ناصر بن قرملة بينهم وهم قاموا بالدور الاكبر ويوجد كلام الرحالة داوتي اللي ماشفتك ذاكرة
((كان اهل عنيزة لم يستخدموا سلاحهم وانما كانوا سندا لمطير التي قامت بمعظم المجهود الحربي انتقاما من اعدائها))
للمعلومية مطير (الجبلان والجبعاء ) فقط
اما عندما تقول ان كون الدحملية لقحطان فأقولك نعم ولكن لماذا لاتعرج وتذكر على مناخ وراط تقول ان مايجهل احد هذا الشئ فأقولك للاسف انت اول من يجهله هذا الشي
واذا كنت موقف على كون دخنة فقط ... فأنا اكمل مايجهلك بما نحفظة باوراط أتت جموع علوى من مطير وجاء الدوشان كلهم وصار هذا المناخ عند شعيب وراط في منطقة سدير لما طال المناخ استفزع فية القحاطين بالشيابين وجو بني عمر من سبيع مع مطير فزوع
اللي قال فيها عجير بن طلمس
ياراكبن حر دله بالخاضير ** متيهن كل الشتا مع ربيعه
يسرح على تقليطت الحوض للبير ** والعصر بين منيصفه والوريعه
تلقى بيوت مدهل للخطاطير ** ياحيف لولا للنزايل مطيعه
ناصر1 لفانا صايلن بالمظاهير ** يقول من علوى علينا هزيعه
جونا وجيناهم وسقنا المغاتير ** سوق الجلايب يم سوق المبيعه
هجن وصفينا عليهن طوابير ** ورد بنا ورد القطا لشريعه
حنا نبيع الروح دون الغنادير ** بعناه بيعة رمة مستبيعه
جمع الجحادر قدم علوى طمارير ** مايسلمون الا من الله شفيعه
وغنيم 2قفا بسبايا3 مدابير ** ووراط 4 سال من اشقر الدم ريعه
والله يا لولا نايفات الشناظير ** ماعاد ينكس من يهرج رضيعه
تغانموهن يابسين الحناجير ** وغدا لهم عن الاهاوي منيعه
وهذي قصيدة عوير اخاه
ياراكب من عندنا عمليه ** تقطع رهاريه السهل ووعورها
ماهسها الراعي يرد رعيه ** ولا مصها وقت الشتا قرقورها
ترعى من الصمان الى ماويه ** لما الاباهر عقب وثورها
تلفي لنا يم الفروق حمايل ** اهل سربة يشكو العدو دعثورها
قل يا هيته جت مع شعيب العوده ** مقرود ياللي ماحضر دافورها
الخيل هي والجيش غاد حفه **والذود قدمه طافح مقهورها
نركب عليهم حدب كل مجرب ** وخصبات عارفين حكورها
نطعن لعين كل شقحن مردم ** يوم القرايا غلقت مسعورها
ونطعن لعين الي تصيح وتنخا ** تبدا الضلوع وتنثني لبزورها
ونطعن لعين اللي تصيح وتنخا ** ومغورقاتن بالدموع حجورها
من بوزت الاوراك ملهوفة الحشا **بنت الشيوخ مضيفه بعسورها
ماني بكانيها تراها موضي ** الدحمليه5 كنها من حورها
فعولنا وصلت ديار ثويني ** وجنوب وصلت يم هوجا وكورها
ترى الوعد الى جا الخضار محقبه ** اليا نثرت غر السحاب بكورها
وهذي قصيدة دعيث المنجلي السهلي اللي حضرها يوصف المعركة والقصيدة اطول من هذا ولكن هالابيات ماحفظ منها
سبة بطانا دفعنا للمطيه ** نضف جنحان طويلات ونشاط
الخيل نعطيها القصب والنسيه ** والمال من كثر المناويخ منلاط
الصبح سقنا ذود ذيب السريه ** وتحاضبوهن لابسين الزقلاط
عثا بهم قنور والشمس حيه ** وحمى جفيل الخيل عرقات الاباط
بني عمر6 جونا رجال الحميه ** من فعلهم هذال7 يدوس ماحاط
حريمهم من عقب ركب الحويه ** ركبن حراذين حثاحيث واملاط
1- ناصر بن قرملة
2- غنيم بن شبلان (فارس علوى)
3- سبايا الجحادر
4- شعيب وراط في سدير قريب ثادق
5- الدحملية موضي الشقير من الدوشان
6- بني عمر ربع ابواثنين
7- هذال بن فهيد امير الشيابين
واتمنى انه وصلك يااخو بدوة