قصيده لشاعر دخيل بن سالم الكمر رد على قصيده لعانيه
شجاع بن مبارك بن وسام بن قويد المساعره الدوسري
يقول فيها
يامرحبا برسالة جتني عصير=اتنومس الكتاب واللي قراها
خط لفاني زاد حالي تسارير=خط رفع روحي على مستواها
لوبشروني به عطيت التباشير=ترفع على راسي وهو من غلاها
من ديرة فيها الوجيه المسافير=وادي الدواسر جعل يرجع رباها
الاد زايد ناطحين المخاسير=بيوت المعزه من قديم بناها
العاطفي يمسي يدير التفاكير=ذكر عصور ماضيه قد نصاها
دار ربا فيها وهو توه اصغير=ديرة خوالي عز منهو نصاها
وافضيت لي قاف بفتح الزوافير=لاحتر صاج الكبد برد عليها
هات القلم وكتب سلام بتقدير=ابيات شعر صححت بمعناها
احلا من السكر بدر المصاغير=واعداد مايذري نسايم هواها
رسالة للي فعل نية الخير=لاحج له عشرين مالحق جزاها
شجاع بن وسام نعم بتكرير=علوم المراجل لمها واحتساها
تبنى له البيضاء ثياب مقازير=مثل القمر والشمس بعالي سماها
قايم بواجبنا وحنا مقاصير=اضعوف يتمان قليل جداها
نعم العواني يوم حنا معاسير=كَنا من ادنى الصلب والله عليها
الاد تميم حماة المظاهير=قويدية في الخوف يذري ذراها
انتم هل الطالات عند المحاضير=وانتم شيوخ الدار وانتم حماها
قوم عزايمها تهد الطوابير=لوكان تخطي مايعدل خطاها
الاد ابن مسعر وعندي تقارير=ضد العدو والريشه اللي خذوها
لاذكر به جو لعشبه نواوير=كل يهيبه خايف من عداها
يحلونها بعيال تسيطر مساطير=وشلف ينثر ريشها من دماها
اتشوفهم فوق المهار العياطير=مثل السباع اللي تقانب عواها
ملبوسهم الدرع وآلات المشاهير=اهل صخاف الشول تعرف اعزاها
على ظهور الجيش مثل المسامير=كم ذود مصلاح غزوا ثم خذوها
ياما خذوا من عربها والخواوير=وشقح مع ابن منيف غرد عليها
يثني حصانه بين صياح ومغير=فادا بروحه لين قفـا عليها