هذه القصيده من الارشيف طرأ عليها بعض التعديلات والاضافات
اعتقد ان وقت مثل تلك القصائد حان وطرحها مناسب
ابكتب قصيده نصح ما ابغي عليها رد = اذكر بها تذكير مهيب جبريه
لعل وعسى تلقى تجاوب لهاروترد =امور تزايد زودها به مضريه
امور ماشفناها تزايد ولا تنعد= بوقت مضى واليوم زادت بحريه
والى زاد شي عن حدوده يعود ضد =وذا ماحصل للوضع بايامنا ذيه
الانساب مطلوبه وترديدها له حد=وفي الآخره تنسى ولا هيب مطريه
ماهي توها باليوم تبنى ولاتنشد=هاذي من قديم الوقت ياناس مبنيه
اذا مابزود الهرج فود بها لو عد=وتركه هو اولى والحزازات منفيه
شعوب وقبايل للتعارف وهذا القصد=وخير الملا اتقاهم والاعمار وقتيه
وترانا عيال ادم وحوى وكل عبد=لربه وخير الناس مالاكسب سيه
ابوجهل شيخ قريش معروف خال وجد= مصيره جهنم صارت قريش منسيه
ولكن بلال بلا قبيله وجد ايعد = مقره جنان الخلد والنفس مرضيه
وترا المرجله مهيب خص لحد عن حد= الابواب مفتوحه ولا هيب حكريه
ياكم من عريب في اللوازيم غاب وصد=وهو من رؤوس رجال من خال ووخيه
وكم من رجال خيرين حزام وزند = ووقفاتهم تشفي وتحسب بطوليه
ترا التفرقه بين الخلايق تزيل الود = وتجرح مشاعر ناس بالخير مجزيه
اثاره نعارات وتعصب وانا من قد = خطيه وممقوته ولا هيب عصريه
وحنا بامن وامان صحه وعيشه رغد= وحكامنا منا والاحكام شرعيه
نسج الفجوج الجرد ناصل دير ورد= مانخشى سوى من ربنا عالم النيه
والله لو تزعزع امننا ساعة لاانرد= لايام التقاتل والغزو والحراميه
وان ياكل قوينا اضعيفنا والبنا ينهد= تطاحن قبايلنا ونيرانها حيه
عسى الله يعز بلادنا والعدوا يضد= ويديم الرخا والخير صبحه وعصريه
والانساب معروفه بوقت الرخا والجد= وكل يعيش الله يعز السعوديه