السلام عليكم ورحمة الله وبركاته
احب اشارك في موقف محسوب لأحد ابناء هاذي القبيلة
في ربيع هذه السنة 1431هـ عندما توفي رحمه الله الشيخ سحمان بن صمهود
الدوسري عندما صدم على طريق الكويت المرتبط بمدينة حفرالباطن وانتقل الى رحمة الله وعفى ابناء
سحمان عن الذي صدم والدهم بدون اي مقابل ولا اديه ماليه وهم صمهود وعبدالله وجزاهم الله خير الجزاء
فحبيت اهدي هذه القصيدة الى صمهودبن سحمان بن صمهود الدوسري ورحم الله الشيخ سحمان وادخله فسيح جناته
بسم الله الرحمن الرحيم
مبداي باللي عالم كل ماكان=ربي ولاغيره بهالكون معبود
الواحد اللي قاسم رزق الانسان =محيي عقب غب المطريابس العود
قال النصافي بادي زين الالحان=أبيات ناظمهن من الماس بعقود
في مدح شيخ له مكانه وله شان=شيخ من شيوخ الدواسر هل الجود
يالله طلبتك ترحم الشيخ سحمان=يالله عساه بجنة الخلد موجود
أبو الكرم والجود من ماضي الازمان=رحل وذكره مع هل الخير معدود
وعقب له رجال صناديد شجعان=ماخاب من عقب على الارض صمهود
قرم مطاليعه مطاليع شيهان=يفرح به اللي ساعة الضيق مضهود
الشمري ساعة حصل منه مابان=أنتم عفيتو عنه بإثبات وشهود
ياجعلها تكتب لكم بر وإحسان =وأجرومكانه يوم ناشد ومنشود
أنته زبون المرجله ياكحيلان =تستاهل المقدار والوضح والقود
وضح لها فوزه على كل الالوان=لون الوبر كنه من القطن منضود
واللي نصاكم مارجع منك خسران=كنه على عد مجرب ومارود
يامقلطت للضيف حيل وخرفان=والبن الاشقر وأجود الطيب والعود
الله يزيدك وانت للطيب عنوان=على الكرم والعز والطيب والجود