على ارض القصيد وساحة الشعر والاداب=بـلادٍ سمـت بيـن المياديـن نجـديـة
على ارض الرياض اللي لها فالديار حساب=وتاريخهـا الماضـي تنومـس طواريـه
أبكتب قصيده لا انفتـح للقصيـد ابـواب=وقصيدٍ بلا ماجوب ما نيـب مـن حيـه
شعاني الامير اللي فـرق بـاول الشبـاب=ورقى في دروب المجـد لاعلـى مبانيـه
حفيد الملك وابن الملـك زاكـي الانسـاب=عريب الخوال اللـي لـه البيـض مبنيـة
بليلٍ طغت به زمـرة المـوت والخـراب=تعـزوى وقـال: المـوت والعـز بيديـه
نزل للمواجه صادقٍ صامـل(ن) ماهـاب=وليـال الغـدر فيـه الخفافيـش مخفيـة
بنصف الشهر... بدر السما كاملٍ ما غاب=وبـدر الشبـاب بدارنـا بانـت اضويـة
تنومس بفعله كل عـودٍ وطفـل وشـاب=ولـه غطرفـت عمهوجـةٍ رمشهـا فيّـه
ونخيت القصيد وكل شيٍ يجـي باسبـاب=ولاغيـر ابـو تركـي يسيّـر قوافـيـه
جمعنا الوفا والحب لاغلى ثـرى وتـراب=وفخرنـا ليـا قالـوا: بلدكـم سعـوديـة
أجل.. ترتفع هاماتنـا والمـدى السحـاب=ورثنا المفاخر ورث مـا جـات عاريـة
ولا من فتح لاهل الخرافات درب وبـاب=لنا وقفةٍ فـي الحـق مـا هيـب منسيـة
يطوّل ظما من تاه يطـرد ورا السـراب=ومن يرد صافي العـد حاجتـه مقضيـة
وفي دارنا نعرف الكـل الكـلام اعـراب=سوى كلمـة "الارهـاب" تخسـا ومنفيـة
الهرم الشعري الكبير : نايف بن مسرع
الله الله الله على التصوير الأبداعي الجميل
الحقيقه ياابو محسن ليس بغريبٍ عليك هذه الرائعه
فأنت أهلٍ للأبداع وهو أهلاً لك
والأمير عبدالعزيز بن فهد ليس بغريبٍ عليه هذه الشجاعه
فهو من بيت شجاعةٍ ومن عائلةٍ وافيه أعزهم الله بطاعته
أبو محسن صح الله لسانك مليون × مليون ولايكفون
تقبل الود والتقدير والشكر والعرفان لما تقدمه لنا من درر يطرب لها الفؤاد
وتشرح الخاطر وترفع الناظر
دمت بهذا التوهج ياذيبان
محبك ومغليك : أبو محمد