اضنكـم تبغـون عــرف الوليـفـه=اللي خذت قلبي وشعـري لهـا سـار
تـرا البـداوه عشـق قلبـي وريفـه=اقولها واعلـن بهـا سـر واجهـار
ياماحلا عـل الوسـم عقـب صيفـه=وشوف الفياض اللي تباهت بالازهـار
وطير ام سالم زيـن شوفـت رفيفـه=في خائعً مـن الصيـف ماجـاه دوار
يازيـن نــواره ويـازيـن طيـفـه=وفيه اجتمع ريح الخزامـى والامطـار
وشوفت مجاهيـمً خـلاف العسيفـه=وقدامهـا بيـت النشامـا بـه النـار
والنجر باعلا الصوت تسمـع دفيفـه=ودلال رسـلانً بهـا بـن وبـهـار
في مجلـسً مافيـه نفـسٍ كسيفـه=لامن تلافوا ثم تمالـوا بـالا شـوار
وكلاً يقول الـراي مـن حـر كيفـه=هـذي مناتـي ياطويليـن الاشـبـار
اعلنتهـا فــي كلمتيـنـاً خفيـفـه=من شان ماينشد عـن الحـب ثرثـار
الشاعر الرائع والمبدع : المسعري
تسلم وتدوم جعلك المعزه على هذا التصوير الرائع
ويالعنبو لايمك في البداوه والبر والربيع والأبل والنشامى
الحقيقه إنك جمعت بينهن كلهن والله يسعدك دنياً وآخره
وهذه أمنية كل شهمٍ شرواك ياذيبان
صح الله لسانك مليون × مليون ولايكفون
تدري صح الله لسانك لين ترضى
مبدع + جزل = المسعري
لاهنت وبيض الله وجهك وإسمحلي على التأخير ترى والله ماشفتها إلأ اليوم
عاطر التحايا القلبية لمقامك العالي
محبك ومغليك : دغش بن بطي