اضنكـم تبغـون عــرف الوليـفـه=اللي خذت قلبي وشعـري لهـا سـار
تـرا البـداوه عشـق قلبـي وريفـه=اقولها واعلـن بهـا سـر واجهـار
ياماحلا عـل الوسـم عقـب صيفـه=وشوف الفياض اللي تباهت بالازهـار
وطير ام سالم زيـن شوفـت رفيفـه=في خائعً مـن الصيـف ماجـاه دوار
يازيـن نــواره ويـازيـن طيـفـه=وفيه اجتمع ريح الخزامـى والامطـار
وشوفت مجاهيـمً خـلاف العسيفـه=وقدامهـا بيـت النشامـا بـه النـار
والنجر باعلا الصوت تسمـع دفيفـه=ودلال رسـلانً بهـا بـن وبـهـار
في مجلـسً مافيـه نفـسٍ كسيفـه=لامن تلافوا ثم تمالـوا بـالا شـوار
وكلاً يقول الـراي مـن حـر كيفـه=هـذي مناتـي ياطويليـن الاشـبـار
اعلنتهـا فــي كلمتيـنـاً خفيـفـه=من شان ماينشد عـن الحـب ثرثـار
الشاعر العزيز صاحب القوافي الجزله الــمـــســــعري
صح الله السانك وعتلا شانك وزادك الله في مقامك
انا اشهد انه قصيده سهلة المعاني تذوب بكلماتها على القلوب
بما تحتويه من معاني وافيه وسهلة الملمس.
كفية وافية جعل عمرك طويل على طاعته ومن يقراء
تقبل تقديري واحترامي واعجابي في عذب قوافيك التي ترن الاذهان.
اخــــوك / فهد الغريري,,