هذه القصيدة يسندها الشاعر / شداد بن معزب العلياني
على الشيخ / سعود بن خلف بن قويد
ويطلب فيها جاهه عند أولياء الأمور
بنقله من وادي الدواسر إلى محافظة بيشة
و قد نقله الأمير سعود إلى بيشة و قال هذه القصيدة التالية
البارحة لين السفر بان ونطار=نومي على الكرسوع ما نيب غافي
تقبل و تقفيبي غريبات الأفكار=من سو ما أذكر يابو محسن خلافي
وراي يتمان ضعوف و قصار=و الوقت شان و صار فيه إختلافي
أطرد معيشتهم على غير مختار=و أصبر لا كان الجو ما هوب صافي
لا رحة مشواراً ولاجيت مشوار=أمشي على الأقدام رجلي و حافي
الله ينجي من نظابك من النار=وقف معي وقفة شجاع يشافي
وقف معي وقفة شجاع و مغوار=و قف معي لو كان فيه اكتلافي
أنتم لكم بالجاه موقف ومقدار=ما علمكم عند القبائل بخافي
اخوان جازى مقحمة قحص الأمهار=لاحل في قلب الذليل الخفافي
اشيوخ صبيان الدواسر هل الكار=خيالة الشول الزيان الصخافي
يا ما رعت ذيدانهم نبت الأقفار=و خيالهم لمن ركض ما يخافي
عدوهم يشرب قراطيح الأمرار=و صديقهم يعطونه الحق وافي
أصدق معي بالجاه يا وافي الأشبار=ياشوق مجلي الثمان الرهافي
لا طالبً مال و لا طالبً ثار=أطلب نقولي صوبهم يا سنافي
بهجرة بشائر فوق بيشة بالأيسار=و لا جيت في هجرة بشاير إفكافي
تبنالك البيضا على كل منطار=في مدخل الديرة بياضً يشافي
وسلامتك عداد هتاف الأمطار=و عداد من زار المدينة و طافي