والدواسر لابةٍ تشبـه البحـر الطمـوم=شامخييـنٍ بالوفـاء والوفـاء يزهالهـا
والدواسر لابةٍ كنها الـسيف الحسـوم=لاتخالـط شيـن الأيـام هـي وإليالهـا
والدواسر لابةٍ لاحصل يومٍ عسوم=تكسب الطولات في دقها وإجلالها
والدواسر لابةٍ تفرق بزين السلوم=في القصير وفي الخوي والعلا ترقالها
وإن زبنهم مجرمٍ يشتكي ضيم وهموم=إهتنت عينه عقب حالةٍ يرثالها
قلتها وأنا من اللي يحدون الخصوم=لابةٍ تزهى المدايح بطيب أفعالها
عزوتي سقم الحرايب عطيبين السهوم=عزوةٍ في غياثِ جعل السعد يبرالها
من هل الطولات والمدح في اليوم الزحوم=للصديق أصحاب وأمَا العداء سلاَلها
لاهنت وصح نقلك ياخوى والله يرحم شاعر الغييثات ويسكنه الجنه