[معلومات العضو الهاج ـري]

ابكي على عمر مضى واعتزيله
............................... عمر قضيته بين هم ٍ وهوجاس
ما غمضت عيني من الهم ليله
...............................وعروق جسمي من ضنى البعد يبّاس
همي كبير عجز صدري يشيله
...............................وازريت ابين سر قلبي للانجاس
مالي غنى عنه ولا لي وسيله
...............................كود الصبر ومصارع الهم بالراس
العمر ودع ما بقى الا قليله
...............................روفي بحال الصبْ يالمعة الماس
الجفن ساهر والمدامع هميله
............................... والقلب يصرخ من ورى الضلع لا باس
لا باس يادمعٍ تحدر مسيله
...............................الله كريم وكل شيٍ له اقياس
الله يسامح من شعل هالفتيله
...............................في جوف منهو من سبايبه محتاس
اللي ظلمني ما يعرف الجميله
............................... ولا كواه اللي كوى ساير الناس
ياكايل الميزان اجحفت كيله
...............................اشهر فؤدي من ظلايمك الافلاس
اسال مكانٍ كنت قبلي تجيله
...............................تنطر حضورى صبح يومك وعساس
ينبيك عن خلٍ تعاهد خليله قلبه
...............................شفوقٍ ينبض اشعور واحساس
وان كان عيت خطوتك تنطويله
............................... برحل واسطر هم قلبي بقرطاس
وكتب على بابي عباره طويله
...............................مرحوم ياقلبٍ شكى الضيم والباس 0