يقولون حلمك يم غيرك تسير اخطـاه=كثير الحلوم ومطلبك صعب تحظا بـه
وكلن على بيره يحسّب لطول ارشـاه=لزومن تفوق وموقفك تحسب احسابـه
وانا قول ياللي تعذل القلب لا تقصـاه=كفا به صوابن بان في القلب مضرابه
وخله يسج بحلم ليل(ن) عليْ مسـراه=يقرب بعيد(ن) واقشر الحظ ما جابـه
أسامر نجوم الليل واسلى مع ذكـراه=واخاوي نسيم الشوق وآقف على بابه
أزاور لطيف الروح واجيه في ممساه=واقضّي معه وقت من الليل يسلا بـه
إلى من تبين يخجل الليل مـن قمـراه=ولا منه سلهم يسلب العقـل باهدابـه
ولا من تبسم ياخذ القلب حمر اشفـاه=وبياض الثمان بحمرة الورد تزها بـه
وجديل(ن) يقضه يدفي الردف لا ثعاه=وحياة الشقاوي تبتهـج لا تلـوى بـه
أضمه واقول إياك والحـب لا تنسـاه=وحذرا تبوح السد والسـر يـدرا بـه
ألا يا عذولي ليش قلب العنـا تنهـاه=وقلبك خلي(ن) من عنا الحب واسبابه
أبحلم..واسافر..واتبع الحلم لين اقصاه=واسلي خفوق(ن) مسلك الحب ما عابه
وبرحل بعيد(ن) عل حلمي يجي والقاه=وباترك كتاب الحب للناس تقـرا بـه
الشاعر الكبير نايف بن مسرع
يامرحباً تراحيب السيل ياابو محسن
في البدايه يسرني ويسعدني أن أكون أول من صافح هذه الرائعه
الوقوف إجلالاً وتقديراً لهذه الدره
ولانملك سوى أن أقول صح الله لسانك مليون × مليون ولايكفون
وليست غريبة على مثلك نفداك هذه الجزاله
فدمت لنا ولمنتدانا الشامخ
وفي إنتظار جديدك
تقبل الود والتقدير والشكر والعرفان
من محبك ومحب الجميع : دغش البطي