[معلومات العضو محمد فراج الدوسري]

قالها بن عجعج عبيد نشّادي= شيخ 00شاعر والمناصب حكوميّه
قاف امير الشعر لا قيل ينعادي=آل درعان النشاما نداويّه
شبلهم ماضي على فعل الاجدادي=ما نقص بيزود00 والزود ماليّه
شاقني فعلٍ تحاكوا به الوادي=منقذ الطفله 00وهي تلتهب حيّه
موقفه ماهوب بالموقف العادي= فيه ربو(ن) في شعبه الهوائيّه
زاعته نفسه على النار وانقادي=يوم ابوها مع هل الشان في الفيّه
جابها درعان عبدالله زنادي= دايما(ن) وقت المواجيب ماريّه
ترثت عريعر مقابيس واجوادي=مكرمين الضيف بدوٍ وشاويّه
قالها من هو على العد ورّادي=لابغى الجزلات يختار منقيّه
ما تترجم ما تبرمج 00من فوادي=من صميم الذات ماهيب عمليّه
قلتها يطرب وغنى بها الشادي= في الحنايا يعلم الله منفيّه
يا وجودي وجد من راح طرّادي=هيّةٍ0من بعدها هيّه00 وهيّه
جدي سويدان ماقول من سادي=سيّد الغارات والنفس عاريّه
ساقها سوق المغاوير في بلادي= مالقا نفسه ولا حصّل الديّه
قال بن فراج 00والقول للبادي=آل درعان النشاما نداويّه