كيف تسأل ياعيوني وانت تدري عن عيوني
ماذبحها غير شوفـك واحتبـاس الهاشميـه
جابتك عندي وجيتك تارك ٍ منهـم يبونـي
ماحسبت احساب عمر ٍ ضاع ماعـود عليـه
غلطتين ٍ في حياتي غيرت تاريـخ كونـي
غلطة ٍ جابتك عندي عقـب غلطـت والديـه
لين شفتك في ضلوعي تطفي وتشعل جنوني
ثم عرفت اني بعدها . رحت في يدها بيديـه
ان رفعت مارفعت الا الخناجر من طعونـي
وان تركتك ماتركت الا الوجع والمـوت فيـه
يعني في كل المواضع كنت بي والا بدونـي
مبتلينـي لا محـال ولا محـال مـن البليـه
والطريق اللي يودي لاخرك ضيـع ظنونـي
جيته بكل الدروب وجابلي . عيـد الضحيـه
آه لو يسكن خفوقك جمرتين ٍ من شجوني
كان تدري ليش اصيح وليش اجر السامريـه
وليت ربعك يتركونك مثل ربـع ٍ هملونـي
بين هاه وبيـن ايـه وبيـن هاذيلـه وذيـه
ياهنوف ٍ لو تثنت عنـد نـاس ٍ يكرهونـي
كان حنولي وجوني وافزعوا فزعـت حميـه
ارفعتني لين كل ٍ صار من حدري ودونـي
ماجلس الا عند نجم اسهيل واتكـي . كذيـه
ثـم تغابـت واتركتـي للعـواذل يلعنونـي
وضاقت ادروب المدينه من سبب ضيقة ابنيه
وصرت لا غنى بو نايف خبروه وخبرونـي
رحت اصيح مع الشوارع ضيعتني دوسريـه