ياخاطري مايفيد الضيق والحسره= والحزن قتال لاهبت اعاصيره
لا تحسب اللي جرا لي في الهوى كسره= الغصن عايش لو طارت عصافيره
ياصاحبي من سوايا القلب لاتشره = القلب باقي على ذكرى مسايره
من قسوة البرد عندي للدفا جمره=جمرة غضى تشتعل بالهم والحيره
احيان اشوف الخفوق يحب مايكره =واجيب لأجله عذر واقبل معاذيره
واحيان اشوف الجفا يطغى على صبره=يهز عرش الضلوع ومالقى ديره
ياويل قلبي بترحل كمل السهره =ماراح نلقى من الاحزان تاشيره