[معلومات العضو بدر ابن نايف]

السلام عليكم ورحمة الله وبركاته

مرتادى المنتدا اسعد الله جميع اوقاتكم بكل خير
تجمعنا ليلة الجمعه الموافق 15-1-2009 تحت رعايه المنتدا الرسمى للدواسر فى ملتقا القبيله الرابع فى قاعة اليمامه فى محافضة الخرج فى ضيافه الامير الشهم صاحب الاخلاق الحميده ابو المكارم ضارى بن سعد الحطيم اللى غمرنا فى كرمه وحسن التدبير للحفل واضهار افراح الدواسر بصوره مشرفه نشكره عليها ونشكر ابناء الغيثات على حسن الاستقبال ودماثة الاخلاق اللى تعكس مدا محبتهم للقبيله وافرادها
لضيق وقت الحفل لم اتمكن من القاء القصيده امام الجميع مع اخوانى الشعار وتفهمت اعذار اللجنه المنضمه وعلى راسهم الشيخ سعد بن ضارى الحطيم اللى احاطنى بسلوبه الراقي وعذره المقنع له الشكر الخاص واتركم مع القصيده

\
\
\

ضارى الحطيم العام يومنه دعنا فالكويت = جينا نلبي دعوته فالخرج والربع اوصلو
ربوعنا وشيوخنا ورجالنا كلن لفا =واهل الرياسه والسياده والمعالى والسمو
الاوله يامرحبا فى جمعكم يا لابتى = عند الرجال اللى تروس الطيب لا قالو فعلو
يامرحبا واعداد ماحن الرعد وسط السما = واعداد مايمطر صدوق الوسم فالماى الحلو
يامرحبا ترحيب سلم الدوسرى قول وفعل = اقولها لون لحقنى فى تراحيبي غلو
لى لابتن في فعالها ازوم واشمخ وافتخر =وارقا على ابعد حد فى روس النوايف والعلو
لى لابتن فى مجدها يجف حبرى والقلم = ومنين اابدا والدواسر حاضرتها والبدو
ديارها وحدودها فأتها وانعامها=قصورها قصور شمخ من حجر ولا سدو
نخيلها راياتها وسيوفها وارماحها = ولا مرابط خيلها نتاجها مهر وفلو
عاداتها واسلومها واطباعها كسب الجميل=تاريخها ثابت على شبه الجزيره ماجلو
من زايد وتغلب هل القلات وافين النسب =ابناء سادات العرب والكفو ورثله كفو
حنا العرب حنا سلالات العروبه كلها = حنا الاصاله والعداله مادفع فيها خلو
انسابنها واحسابنا فصايل المجد العتيد = الزايدى والتغلبي فى ديرة المجد اسكنو
ديارنا فى مجدنا وحدودنا بجهودنا = بالدم الاحمر سيسو دار الدواسر واكتبو
مايسكنك يادارنا كود العوانى والصديق=واخصامنا ماتبتلينا الجور يبليها بلو
حنا التميز طبعنا ولا المكارم نبعنا=ياربعنا ياربعنا الطيب فيكم وامتلو
يحق لك يالدوسرى تشمخ براسك ماعليك=انت الاصل وانت الفصل وانت عكامن للعدو
انت المكارم كلها محتلها مستلها = لوك تروس المرجله حقك ولا فيها ولو
بدون نقصن فالقبايل فالجنوب وفالشمال = كلن على فعله ضهر والبير ينزفه الدلو
الله يبارك جمعكم يااهل الفعول الوافيه = الوصل فالارحام واجب دين حثو ووصلو
حثو على جمع القبيله والتصافي بينها = واقضو على الفرقه وشدو للمعالى وانزلو
من عقب هذا بيض الله وجه ممدوح الخصال=ضارى الحطيم ابو سعد شوفو ولا قول اسألو
شوفو المكارم والكرم والجود سخر مورده=من غيرها قولت هلا يامرحبا ثم اقبلو
الخرج رحب والدواسر جات من كل الديار = على شرف كل الرجال اللى ليا جو جملو
واختامها صلي الله وسلم على الهادى الامين = رسولنا شفيعنا فى يوم خلق الله اذهلو

وسلامتكم


اخوانى الاعزاء المشرفين يرجا تنسيق القصيده مع خالص الشكر