فكة ابن دمخ لجارهم القحطاني
كان هناك رجل قحطاني اسمه الشليخي مربع بابله في سدير في حماية احد القبائل
فكان ان ابتعد في ابله عن هذه القبيلة حتى اصبخ قريباً من الهوامل فصادف غزو لعتيبة
فصاح في ابله هارباً وارسل احد اولاده ليطلب الفزعة من اهل العرب القريبين منه فركب
ولده الفرس واسرع الى مضارب هذه القبيلة وتوجه الى اقرب بيت وكان بين لابن بادي
الجميعه من الهوامل وقال القحطاني : انا دخيل عليك ياهل البيت انك تفكني فعرف ابن
جميعه سالفته وقال ابشر بالسعد اركب فرسك ياولدي وادخل على راعي البيت الكبير
اللي عنده الجماعه وكان يقصد بيت ابن دمخ شيخ الهوامل فركب الولد فرسه وصاح
باهل البيت فقاموا له الرجال وعلمهم سالفته وان الابل يمديها الحين وخذت وابوه مايدري
وش صار عليه فصاحوا عيال السيالي كلهم : دخلت وخاب طلابك
ركبوا هل الخيل والولد معهم ويوم اخذو لهم شوي لهذا الشايب القحطاني على بعيره
وابله قد وخذت فقالوا البيوت قدامك وانت ماقصرت يالشليخي معذور والكثرة تغلب
الشجاعة لحقوا الهوامل الابل نص يوم وهم وراها ويوم قاربوا ديار عتيبة نزلوا وتسالموا
على بعض سلام مودع لانهم سوف يدخلون في ارض قبيلة ثانية ولايدرون هم يرجعون
والا لا ؟ وويوم اخذوا لهم شوي الا وهذي الابل عرفها ولد القحطاني ترعى العشب
واهلها مأمنين وهم يجون بينم وبين اهلهم ويضيقون عليهم الا والله يوم خربت علومهم
ضرب شلف ومطارد خيل وهم يتركونها وينحاشون يفزعون والا ابن دمخ واللي معه من
الهوامل قد ساقوها وارسل ابن دمخ رجل من الهوامل يقاله : محمد ابن المري يبشر
القحطاني بابله ويوم جاء العرب والا القحطاني يقول للي عنده يوم شاف المرسول
لحاله وهو يبكي يحسب ان الربع مذبوحين : لاوالله مالي حق عليكم يالهوامل ذبحتم
رجالكم وانا ماني قصيراً لكم ،، قال اللي عنده : ابك اسكت نبي نشوف علوم الخيال ؟؟
قال المرسول : ابشر بسعدك يالقحطاني اباعرك ماراح منه حتى حوار والربع كلهم
سالمين ،، قال القحطاني : حيها من لابه حيها من لابه
وقال القحطاني قصيدة طويلة لاتحضرني واللي يعرفها من الهوامل يجيبها الله لايهينه .
منقول