ما عاد به فالسوق بيعه و شريه = ومن اول حطم جميع المقاييس
ما عاد لتجار روحه و جيه = ويش السبب يا مبعدين المراميس
يامرحبا مليون والفٍ تحيــــــة = واعداد من يسكن بلندن وباريس
والسوق يركد يوم ويزين مية.= هذا السبب ياكاسبين النواميس
وبك البقا مليار و الف هديه = مادام ربي جابكم face to face
والسوق مغلينه رجال الحميه =ولاناب راضين,, يجيبه عواكيس
أحييت في قلبي أمورن خفية =من يوم جبتو طاري ال(no)وال(yes)
ودي بشعارن على طول حية=أفرح بهم فرحة هل القدس بال(peace)
يا (Welcome)(Freind) عندنا شاذليه =قدام ما ناقف عاى (line) ال (race)
ابشر بشعار تحل القضيه = لكن لا بد ان تعاون عاى ال (base)
بازوركم بال(car ) ولا المطية =وانصا النشاما متعبيــن ا لمحاميــــس
وانا معك سعد الخوي لخويــه.= نســـوقها لأيــة محل وأيـــة (place )
ان زرتني عيدت عيد الضحيه= الطير يفرح بالطيور القرانيس
ابشر خويك يرد حوض المنيه = يفدي خويه يوم قبس المقابيس
كنسلت هرج اهل الفعول الردية=أمثال مستر بن مع جـــورج ولويــس
وجيتك وانا شاعر عزومــي قويـة=مأسسن قولي على الفعل تأسيس
كنسل عليهم يازبون الونيه = وارفع عيونك لنجوم المراويس
وفزع بسيف وخنجرن حضرميه = ليلى عليها يبكي صحيبها قيس
أبشر بعزك عقب هاذيك ذيـــة=وعدن عليّه لاترك الهيس للهيس
أنا بسيف وخنجر وبندقيـــــــة=وانته معي بالدرب لو به تغــاريس
ياصاحبي صاحبك صاحب صبيه = صحبة صفى ما صورتها الجواسيس
عيوا عليها عيال عم البنيه =عجل عميلك عذبته الهواجيس
ياصاحبي صبرك عليـــها شويـــة= لكان في وجهك جيوش وحراريس
وان كان شفت الدرب ماهو سوية =(فالحظ عجة والحبايب قراطيـس)
لاخاب ظني في عقيد السريه=مالي مشاريهن على اهل البعابيس
برجي فرجها عند رب البريه=ولابد ما بكره تهب النسانيس
أرجي لك التوفيق صبح وعشية=ويزول عن دربك جميع المتاريس
لكن (همي) يابن عمي عليــــه=كن الجبال الصم فوقي مجاليـس
الحب يلعب بالقلوب الشقيه = لعبة كره قفابها حمزه ادريس
ويش نوع (همك) كانها فالعطيه = نوفيك يالمنعور كيس عاى كيس
عساك ذخرن فالليال العصية =ويفداك راعين الحكا والبرابيس
يغيضني ياخوك دارن قصيـة=أقفابها ربعن رخومن مناجيــس
الدار جاها نكبة عالميه = من عقبها الاعلام صارت مناكيس
يا كم و كم راحت نفوس بريه = لكن هناك اللي يشب الفوانيس
العلـم يابن العم نارن لظيــــة = تشوي فوادي والفكر والأحـاسيـــس
يامسـندي يالعزوة المسعرية= الصـبر غلـّـق والجماعة نواعيـــــــس
تشكي وانا اشكي و الضماير مليه = هذا زمان اهل الوجيه المفاليس
ياصاحبي ان كان طاريك نيه = علمني اودع حسين الملابيس
منّاب من يبعج وصــايا نبيــّـه = والصبر زين وكل شيّن بتقييــــس
لاشفت للأبطال راعي رعيّـــــة= فاطلق عنان الجود ثم العن ابليس